Сыр бойы

Жаңақорған аудандық прокуратурасының қадағалау қызметі қоғамдық-саяси тұрақтылықты қамтамасыз етуге, сыбайлас жемқорлыққа және діни-экстремизмге қарсы күресуде, кәсіпкерлердің мүддесін сақтауға, сонымен қатар, тұрғындардың әлсіз топ құқықтарын қорғауда өз нәтижесін көрсетті.  

ҚР Білім және ғылым министрлігі алғаш рет ата-аналардың жалпыұлттық жиналысы күнін жариялағаны белгілі. Осыған орай облыстың барлық мектебіне ата-аналар келді.

Мырзан Кенжебай – 1947 жылы 31 тамызда Арал ауданы Құланды ауылында туған. Қазақ мемлекеттік университетін тамамдаған.Әр жылдарда «Жұлдыз» журналында бөлім меңгерушісі, «Заман-Қазақстан», «Алматы ақшамы», «Қазақ мемлекеті», «Аманат» газеттерінде тілші, республикалық «Қайнар» баспасында редактор, «Таң-Шолпан» журналында жауапты хатшы қызметтерін атқарған. Қазір «Мәдениет» журналында редактор болып қызмет атқарады.  Ақынның өлеңдері «Мерейлі мекен» ұжымдық жинағына енген. «Жоғалған өлең», «Жазым өтіп барады» жыр жинақтары жарық көрген.  Біз жетпіс жасқа толған жерлесіміздің шығармашылығынан бір топ өлеңдерін оқырман назарына ұсынып отырмыз.

Шиеліде өткен жылдың желтоқсанынан бері өз жұмысын бастаған құс фермасы 11 мың бас тауық балапанын күтімге алған еді. Міне, өзіндік сыры бар бұл шаруаның да жемісі көрінді. Мамыр айының басынан бері мұнда тауық жұмыртқалары жиналып, саудаға шығарыла бастады.

Облыстық ішкі саясат басқармасы және «Руханиятты қолдау» қоғамдық қорының ұйымдастыруымен «Ұлттың тұрақты дамуын қамтамасыз ету, тұрғындар арасында бірлікті, болашаққа деген сенімділікті нығайту» әлеуметтік қызметінің аясында үкіметтік емес ұйым мүшелерімен кездесу болып өтті.  Кездесуді облыстық ішкі саясат басқармасының басшысы Айдын Қайруллаев сөз сөйлеп ашты. 

Өңірлік коммуникациялар қызметінде «ҚазТрансГаз Аймақ» АҚ Қызылорда өндірістік филиалының бүгінгі таңдағы жұмыс барысы туралы брифинг өтті. Онда филиал директорының орынбасары Б.Сәтмағанбетов, өндірістік техникалық бөлімінің басшысы А.В.Ким, бөлім басшысының орынбасары Б.Әбенов, экономика және тарифтік жұмыстар бөлімінің басшысы А.Омарова БАҚ өкілдерінің сауалдарына жауап берді.

ҚР Білім және ғылым министрлігі алғаш рет ата-аналардың жалпыұлттық жиналысы күнін жариялағаны белгілі. Осыған орай облыстың барлық мектебіне ата-аналар келді. Бұл күні облыстық білім басқармасының басшысы Бақытжан Сайлыбаев, «Нұр Отан» партиясы Қызылорда облыстық филиалы төрағасының орынбасары Әділбек Ерсұлтанов және қалалық білім бөлімінің басшысы Асқарбек Есжанов қала орталығындағы үш тілде оқытатын мамандандырылған сыныптары бар, дарынды балаларға арналған «Мұрагер» мектебіндегі ата-аналар жиналысына қатысты. 

Қызылорда облысы кәсіпкерлер палатасының алаңында «ҚазАгроКепіл» АҚ-ның мамандары кәсіпкерлермен және аймақтағы қаржы институттарының өкілдерімен кездесті. 

«Балалардың жолдағы қауіпсіздігі» атты кең ауқымды акция шеңберінде 2017 жылдың 10 мамыр күні Жол қозғалысының жас инспекторлары және Қызылорда қаласындағы №198 орта мектебінің оқушылары іс-шара өткізді. Шара барысында оқушылар көлік жүргізішілері мен жаяу жүргіншілерге үндеу жасап, жолда жүру мәдениетін сақтауға, жол қозғалысы қауіпсіздігін қамтамасыз етуге шақырды. Сондай-ақ, олар аумақ басшысына өтініш білдіріп, барлық жол қозғалысы қатысушыларының атынан жол қозғалыс қауіпсіздігінің әлемдік апталығын қолдауын сұрады.

8-12 мамыр аралығында Қызылорда қаласында теннистен 12 жасқа дейінгі жасөспірімдер арасында «Қызылорда мастерс» республикалық турнирі өтті. Аталмыш жарысқа Астана, Алматы қалалары мен, Алматы, Ақмола, Батыс  Қазақстан облысы және Қызылордадан 60 теннисші қатысып, үздіктер анықталды.