Сыр бойы

Қазақстан Республикасы Денсаулық сақтау министрлігінің штаттан тыс Бас трансплантологы Серік Жарықов Орталық коммуникациялар қызметінің апталық шолу брифингі барысында Алматы қаласындағы клиникалық ауруханалардың бірінде бүйрек  ауыстыру кезінде орын алған қайғылы оқиға еліміздегі трансплантологияны дамытуға еш әсер етпейтінін жеткізді.

24-26 наурыз аралығында Сырдария ауданы Н.Ілиясов ауылында «Абзал и К» жүлдесі үшін дзюдодан жасөспірім ұлдар мен қыздар арасында республикалық турнир өтті. Оған Өзбекстан, Қырғызстан және еліміздің он бір облысынан 36 команда, 550 спортшы қатысты. 

26.03.2017 жылы 05 сағат 15 минутта Басықара су торабында мұз кептелу салдарынан 3 шақырым жоғарыда орналасқан «Балшықсай» учаскесіне су жайылған.

Қызылорда облысында көктем 2017 мерзімді  әскерге шақыру науқаны басталды. Бұл туралы Қызылорда облысы қорғаныс істері жөніндегі департаментінің баспасөз қызметі хабарлайды. 2017 жылғы көктемде Сыр бойынан Қазақстан Республикасы Қарулы Күштеріне және де өзге де әскерлері мен әскериқұрылымдарына 800-ден аса азамат Отан алдындағы борышын өтейді  деп жоспарланған.

25-26 наурыз күндері Қызылорда қаласында жауынгер-интернационалист  Батыржан Шалғынбаевты еске алуға арналған футзалдан республикалық  турнир өткізілді. 

«Хабар» телеарнасында әр бейсенбі күні «Дәурен Абаевпен ашық сұхбат» бағдарламасы эфирде жарық көруде. Бұл туралы Орталық коммуникациялар қызметінің апталық брифингінде Ақпарат және коммункациялар министрлігінің баспасөз хатшысы Арсен Бектасов хабарлады. 

Астанада «Сахнагер-2017» Ұлттық театр сыйлығының лауреаттарын марапаттау салтанаты өтеді.  Осы оқиғаға байланысты Орталық коммуникациялар қызметінде өткен брифингте  Қазақстанның халық әртісі, Мемлекеттік сыйлықтың лауреаты  Асанәлі Әшімов, кино және театр әртісі, Қазақстанның еңбек сіңірген әртісі Меруерт Өтекешова, Мемлекеттік республикалық корей музыкалық комедия театрының директоры Любовь Ни, Қазақстан Республикасының еңбек сіңірген қайраткері Ерлан Біләл, «Қазақ әуендері» АҚ президенті Асхат Маемиров  аталған сыйлықпен марапаттау рәсімі туралы әңгімелеп берді.

Биылғы жылы Қазақстанда Халықаралық театр күні «Сахнагер-2017» ұлттық театр сыйлығын салтанатты тапсыру маңызды оқиғасымен толығып отыр. Бұл туралы Орталық коммуникациялар қызметінің баспасөз мәслихаты барысында Қазақстан Республикасының еңбек сіңірген әртісі, Қазақстанның мемлекеттік сыйлығының лауреаты, «Қазақстан театрлар Ассоциациясының» президенті Асанәлі Әшімов хабарлады. 

Қазақстан Республикасының еңбек сіңірген әртісі Меруерт Өтекешова әртістер үшін театр күні салтанатты күн болып табылатынын жеткізді.

Дүйсенбі күні 27 наурызда «Сахнагер-2017» ұлттық театр бәйгесінің тапсырылуы өтеді. Бұл туралы Орталық коммуникациялар қызметінің апталық шолу брифингінде ОКҚ ресми өкілі Мұрат Жұманбай хабарлады.