Сыр бойы

Жақында Елбасымыз Нұр­сұл­тан Әбішұлы Назарбаев қазақ­тың кең даласындағы қасиетті орын­дардың бірі Ұлытау өңірінде, Әулие­бұлақтың басында «Хабар» агент­тігінің тілшісіне сұхбат берді. Кере­мет табиғат аясындағы сұхбат бары­сында Елбасымыздың көңіл түкпіріндегі ойларымен ағынан жарыла халқымен бөліскендігінің куәсі болдық. Қазақ халқының армандаған асқақ биігі тәуелсіздігіміздің оңай келмегендігін, тәуелсіздік жолында бабаларымыздың қаншалықты қиыншылықтарға қарамастан, әлеу­мет­тік-рухани болмыстық сипатын сақтап қалғандығын өскелең ұрпақтың жадында сақтау керек екендігін айрықша атап өтті.

Егіншілік саласында өзіндік дәстүрі бар Шиелі ауданында аптаның жұмасы күні биылғы күріш орағы басталды. Үстіміздегі жылы аудан диқандары 24 мың гектардың үстінде екпелі дақыл­дарды орналастырса, оның 8600 гектары күріш алқабы. Осындағы ірі ша­руашылық құрылымдарының бірі – «Төң­керіс» шаруа қожалығы мың гек­тарға таяу Сыр маржанын орналас­тырса, соның №1 бригадасы 430 гектар күрішке иелік етуде. Осы Бауыр­жан Көпеев басшылық жасайтын бри­га­даның озат механизаторлары жатка­шы – Еркебұлан Әбілпанов, Қайрат Жақсылықов және Мархаббат Әзизов, Әділ Шәріп аудандағы алғашқы күріш орағын бастады.

Облыстық сайлау комиссиясы «Қазақстан Республикасындағы сайлау туралы» Қазақстан Республикасының Конституциялық Заңының 28-бабының 4-тармағына сай облыстан ұсынылған Қазақстан Республикасы Парламенті Сенатының депутаттығына кандидаттардың облыс мәслихаттарының депутаттарымен (таңдау­шылармен) кездесу кестесін төмендегідей тәртіппенжариялайды: Арал ауданында – 13.09.2014 ж., сағат 9.00-де аудандық мәдениет үйінде, Арал қаласы, Бақтыбай батыр көшесі, №115 үй;

Облыс әкімі Қырымбек Көшербаевтың төрағалығымен өткен облыс әкімдігінің мәжілісінде өңірдің 8 айдағы әлеуметтік-экономикалық даму көрсеткіштері талқыға түсті. Облыстық экономика және бюджетті жос­парлау басқармасының басшысы Сәуле Құлымбетова бірқатар макроэкономикалық көрсеткіштердің өсімі туралы баяндады.

2014 жылдың 8 айының қорытындысы бойынша облыс бюджетінің кірісі 152,3 млрд. теңгені құрады. Бұл жоспарланған болжамның 109,1 пайызын құрайды. Соның ішінде республикалық бюджеттен алынатын трансферттер мен несиелерді есептемегенде облыс бюджетінің өз табысы 47,5 млрд. теңге болды. Тіпті өткен жылдың тиісті кезңімен салыстырғанда табыс жинау көлемі 2,5 еседен астам немесе 12,1 млрд. теңгеге өсті. Бұл аймақтың маңызды әлеуметтік проблемаларын шешуге ықпал жасауда.

Бейсенбі күні Т.Жүргенов атындағы Шығармашылық үйінде «Сыр медиа» ЖШС жанындағы облыстық коммуникациялар орталығында бұқаралық ақпарат құралдарына арналған кезекті брифинг болып өтті. Бұл жолы 5-шақырылған облыстық мәлихаттың атқарған жұмысы жайлы облыстық мәслихаттың хатшысы Бекмырза Еламанов журналистерге айтып берді.

Облыс прокуроры Сапарбек Нұр­пейі­совтің төрағалығымен өт­кен үйлестіру ке­ңесінде білім беру ұйымдарының 2014-2015 жаңа оқу жылына дайындық ке­зеңіндегі заң­ды­лықтың сақталуы сөз болды. Кәме­летке толмағандардың құ­қық­­тары мен мүдделерінің бұзылуын бол­дыр­мау бағытында атқарылып жат­қан іс-шаралардың тиімділігі мен мақ­сат­тылығы, сондай-ақ уәкілетті мем­лекеттік органдардың бұл бағыттағы қызметінде заңдылықтың қолданылу жағдайы жә­не басқа да проблемалық мәселелер талқы­ланды.

Бүгіндері жетпістің бесеуіне келген, философия ғылымдарының докторы, Қорқыт Ата атындағы мемлекеттік университеттің құрметті профессорыАмангелді Әбдірахманұлы Айталыазаматтығы ғалымдығын айқындаған көрнекті қоғам және мемлекет қайраткері. Ол сонау студенттік кезден ұлтаралық қатынастар проблемаларымен жүйелі айналысып, 1968 жылы диссертация қорғап, философия ғылымдарының кандидаты, 1988 жылы Мәскеуде философия ғылымдарының докторы болды. Осы тақырыптағы алғашқы сүбелі еңбегі «Ұлттану» атты оқулығынан бастап А.Ә. Айталы «Ұлт мұраты: депутат көзқарасы» (2003ж.), «Байсалды ел байқаусыз қате жібермес» (2008ж.), «Қазақты намысы қамшыласын» (2009ж.), «Ұлт пен дін – тәуелсіздік арқауы, Нация и религия – основы независимости» (2013 ж.) атты кітаптарында ұлт және ұлтаралық қатынас мәселесін тұрақты әрі жан-жақты зерттеп келеді.

Сіздерді 10-14 қыркүйек аралы­ғын­да өтетін Сыр елінің тумасы, қа­­зақ өнерінің асыл анасы Сәбира Майқанованың 100 жылдығына ар­нал­ған Қазақстан театр­ла­ры­ның XXII республикалық фестиваліне шақы­рамыз!

Сәбира апай шуағы мол жан еді. Менің шешеме ұқсайтын... Адамды өзіне тартып тұратын, ешкімді жатырқамайтын. 1979 жылы Қызылорда театры есепті гастрольмен Алматыға барды. Гастроль шымылдығын М.Әуезовтiң «Түнгі сарын» драмасымен ашқан болатынбыз. Ертеңіне «Социалистік Қазақстан» газетіне «Талассыз табыс» тақырыбымен Қазақстанның халық артисі Серке Қожамқұлов пен КСРО халық артисі Сәбира Майқанованың сұхбаты шықты. Онда С.Майқанова «Жерлестерімнің гастрольдік жарнамасынан М.Әуезовтің «Түнгі сарынын» оқығанымда театрдың творчестволық батылдығына іштей қол соққан болатынмын. Бұл өзі қойылымға қиын, қатпар-қыртысы көп, күрделі дүние. «Түнгі сарын» Мұхаңның басқа шығармаларынан бітімі бүтіндей дерлік бөлек драма. Тартысының өрбуі де, кейіпкерлердің сөйлеу мәнері де, бірнеше тағдырды желілей жүргізуі де тарихи-революциялық тақырыпты көркемдікпен игеру талаптарына сай жаңаша шешілген бұл туындыны «Қаракөз», «Еңлік-Кебектің» кілтімен аша алмайсыз, – депті.