Сыр бойы

Бүгін, 14 мамырда кешкісін сағат 18.30-да Қызылорда қаласындағы Ғ.Мұратбаев атындағы орталық стадионда Қазақстан кубогының 1/8 финалы ойналады. Жергілікті «Қайсар»  өткен жылғы ел чемпионы – «Ақтөбе» командасын қабылдайды. Бұл ойын екі команданың кубок ойындарындағы үшінші кездесуі болмақ. 

Жақында Қармақшы ауданының орталығы – Жосалы кентіндегі «Тәуелсіздіктің 20 жылдығы» атындағы саябақта жас сарбаздарды әскер қатарына шығарып салу салтанаты өткізілді. Оны жастарды қолдау орталығының аудандағы өкілдігі мен аудандық ішкі саясат бөлімі, «Қорқыт елі-Қармақшы» жастар қоғамдық бірлестігі ұйымдастырды.

Биыл ауданда бірқатар әлеуметтік нысандар бой көтермек, сондай-ақ елді мекендердің көше инфрақұрылымын дамытуда көзделіп отыр.

Қазалы ауданының орталығы – Әйтеке би кентіндегі көше тазалығын сақтауға ерекше мән беріліп отыр. Бұл мақсатта арнайы техникалар алынуда.

Жаңақорған ауданындағы Сунақата ауылдық округіне қарасты Еңбек елдімекенінде Алла үйі – мешіттің іргетасы қаланды. Мешіт демеушісі – Нұрылда Талипов. 

Қызылорда облысының кәсіпкерлер палатасы мен өңірлік кеңесі аудандар мен ауылдарда «Кәсіпкерлікті дамыту» картасының әзірленуіне ықпал жасайды. Бұл кәсіпкерлер кеңесінің төрағасы мен палатаның аудандық филиалдарының директорларына мақсат ретінде қойылды. 

Үстіміздегі жылдың 11-12 мамыр күндері шахматтан ҚР еңбек сіңірген қайраткері, педагогика ғылымдарының докторы, профессор Әли Мүсілімұлын еске алуға арналған шахматтан облыстық турнир өтті. Турнирге Қызылорда қаласы мен аудандардан 11 және 15 жасқа дейінгі ойыншылар қатысты. Ойын швейцар жүйесі бойынша 7 турға жалғасты. 

Қазалы ауданының «Қазалы-Қожабақы-Бозкөл-Кәукей» аудандық маңыздағы автомобиль жолының 73 шақырымында орналасқан темір конструкциялардан құрастырылған көпірдің тозығы жетуіне байланысты қайта жаңғыртудан өткізілетін болды. Бұл жайында аудан әкімдігі баспасөз қызметі мәлім етті.