Сыр бойы

Облыстық жолаушылар көлігі және автомобиль жолдары басқармасының басшысы Марат Бәйімбетов ауданға арнайы келіп жалпы 412 отбасы (2352 тұрғын) тұратын Қызылқұм ауылдық округімен байланыстыратын аталмыш көпірдің жай-күйімен танысты.

Көпірдің бұл тұрғындардың аудан орталығымен байланысуында аса жоғары маңызға ие екендігінен хабардар болған облыс әкімі Қ. Көшербаев облыстың жергілікті атқарушы органының резервінен «Қазалы-Қожабақы-Бозкөл-Кәукей» автомобиль жолының 73 шақырымындағы көпірді қайта жаңғырту құрылысына 45 млн. теңге  бөлінді. Қазіргі таңда келісім-шарт жасау жұмыстары жүргізілуде. Құрылыс-монтаж жұмыстары мамыр айының 2-ші онкүндігінде басталады.

Айта кету керек, бұл көпір Ағымдағы жылдың 21 сәуірінде Қызылқұм ауылдық округі, Кәукей ауылының батыс беткейіндегі темірден жасалған көпір құлаған болатын. Көпірдің ұзындығы – 12, ені – 5 метр. Көпір ауыл орталығынан 3 шақырым қашықтықта орналасқан. Көпірдің екінші басына қойылған темірбетон блогтың (СП-50 см) астын су шаюынан, темірбетон блогы құлап, көпір жолдың деңгейінен 1 метрге төменге түсіп кеткен.  Қазіргі уақытта ылдиланған жерге топырақ тастап, жеңіл автокөліктер жүргізілуде. Ауыр автокөліктердің жүруіне қауіпті. Аталған көпір Кәукей, Тасарық, Лақалы, Отгон елді мекендерін аудан орталығымен  байланыстыратын бірден-бір көпір.