Сыр бойы

   Арал. Ел өмірінде ерекше маңызға ие болып отырған «Жезқазған-Сексеуіл» теміржолының құрылысы қарқынды жүргізілуде. Бүгінгі күндері болат жол құрылысы Арал ауданы аумағындағы Қарақұм өңіріне жеткізілді.

Қазалы. Жақында «Апаттар медицинасының темiржол госпитальдары» АҚ филиалы Қазалы темiржол ауруханасы мен темiржол емханасында соңғы үлгiдегi жаңа 3D форматта жұмыс iстейтiн құрылғысы елдің игілігіне айналды.

  Жалағаш. Аудан орталығында есімі елге белгілі азамат Болтай Тасыбаевтың құрметіне арналған шағын футболдан облыстық турнир ұйымдастырылды. 

   Шиелі. Аудандағы Ортақшыл ауылында орын тепкен "Шашты ата" мешітіне жылу жүйесі жүргізілуде. Оған қазірде Астана қаласында тұратын осы ауылдың тумасы, кәсіпкер Болат Пірімбетовтің демеушілік көрсетті.

 Қармақшы. «Жұмыспен қамту-2020 жол картасы» бағдарламасы бойынша Жосалы кентінде жаттығу залы ашылды. Онда жиырмадан астам түрлі спорттық құрылғылар бар.

Қазақстан Республикасының Президенті –Елбасы Н.Ә.Назарбаевтың Қазақстан халқына Жолдауы

Қазақстан дамуында агроөнеркәсіп саласының алатын орны ерекше. Ұлан-ғайыр даламызда ауыл шаруашылығын өркендетуге барлық мүмкіндік бар. Қазіргі таңда біз мүмкіндіктерді тиімді пайдалана отырып, бұл жөнінен әлемдегі озық елдердің қатарына қосылуға әбден болады. Осы мақсатта Елбасымыз Нұрсұлтан Назарбаев айрықша қамқорлық көрсетіп, елдегі шаруаларды қолдап келеді. Жыл сайынғы халыққа арнаған Жолдауында аталмыш мәселелерге тоқталып, сол бағытта жасалатын жұмыстар барысын нақтылап береді. 

Қорқыт ата атындағы Қызылорда мемлекеттік университетінің Студенттер сарайында Қазақстан халқы Ассамблеясының облыстағы хатшылығының ұйымдастыруымен дөңгелек үстел отырысы өтті. Онда Елбасының Қазақстан халқына арнаған  кезекті Жолдауы талқыланды.

Қазақстан Республикасының Президенті Нұрсұлтан Назарбаевтың жыл сайынғы Қазақстан халқына Жолдауы – еліміздің қоғамдық-саяси өміріндегі маңызды тарихи оқиға. Кеше Мемлекет басшысы кезекті Жолдауын жария етті. Онда ел дамуының ұзақ мерзімді даму жолын белгілеп берген «Қазақстан - 2050» стратегиясын жүзеге асырудың негізгі тетіктері айтылды. Осы  тарихи құжатты әкімдіктің мәжіліс залында облыс әкімінің орынбасары Ақмарал Әлназарова бастаған бірқатар басқарма басшылары мен ақпарат құралдарының өкілдері интернет желісі арқылы тыңдап-тамашалады.

Еліміздегі ұлттық  мұрағат  қоры  құжаттарының мемлекеттік  есебін жүргізу, сақталуының өзіндік тәртібі бар. Оны қамтамасыз ету бағытында  жылма-жыл жоспарлы  жұмыстар жүргізілуі тиіс. Өйткені, оның қажеттілігі ерекше. Осы орайда Жаңақорған аудандық мұрағат мемлекеттік мекемесі қызметінің негізгі бағыттары  мен нәтижелерінің көрсеткіштеріне зер салып көріп едік, мәліметтер былайша «сөйледі»: Есепті мерзім ішінде қор сақтау қоймасынан заңды және жеке тұлғалардан түскен әлеуметтік-құқықтық сипаттағы және басқа түрдегі сұраныстарды  орындау мақсатында  3425 құжат беріліп қайта орнына қойылды. Сонымен қатар, жаңадан қабылданған 926 құжат қоймаға қабылданып, топографиялық көрсеткіштер қайта толықтырылыпты.