Сыр бойы

   Шиелі. Аудандағы Бидайкөл ауылының жылан жылындағы жетістіктері жетерлік. Биыл 60 орындық жеке балабақша ашылып, жарықпен қамтамасыз ету үшін 1 тансформатор орнатылды. 

   Қазалы. Аудандағы Ақсуат ауылының тұрғындары үшін ауызсу мәселесі бүгінгі күнге дейін өзекті болып келді. Себебі, тұрғындар таза суды көлікпен тасып, құдыққа құйдырып, әлекке қалатын.

Қызылорда. Жаңа жыл қарсаңындағы қорытынды салтанатты шарада қала ұстаздарына құрмет көрсетілді. 

   Шиелі. Ауданда шағын және орта кәсіпкерлік қарқынды дамуда.

   Шиелі. Сағат орнатылған тұғырдың ұзындығы 11 метрді, ал сағаттың диаметрі 1 метрді құрайды. Сондай ақ бағанға бекітілген таблода күнтізбе мен ауа-райы температурасы көрсетіледі.

   Қармақшы. Жақында Қытай Халық Республикасының Хайньян қаласында дзюдодан жастар арасында Азия чемпионаты болып өтті. Осы байрақты жарысқа Қазақстан Республикасының құрама командасы сапында ел намысын қорғаған қармақшылық балуандар табысты оралды.  

   Қазалы. Елімізге белгілі сазгер Кеңес Дүйсекеев Қазалы ауданының құрметті азаматы атанды. Қазалы аудандық мәслихатының сессиясында бірнеше мәселе қаралды.

   Қазалы. «Жыл басында аудан бюджеті 7 миллиард теңге болып белгіленсе, жыл соңында 10 миллиард теңгеге жетті. Барлық салада өрлеу бар. Көптеген жаңа нысандар халық игілігіне берілді. Келер жылы да атқарылар шаруалар ауқымды»,-деді аудан әкімі Б.Жаханов жыл қорытындысына арналған жиында.

 Қызылорда. Ауыр атлетикадан Әлем чемпионатының күміс жүлдегері, ҚР еңбек сіңірген спорт шебері Алмас Өтешов, елімізде дзюдодан  жасөспірімдер арасында тұңғыш әлем чемпионы атанған  балуан Бауыржан Жауынтаев, еркін күрестен  әлем және Азия, чемпионатарының қола жүлдегері  Дәулет Ниязбековтер «Жылдың үздік спортшылары» атанды.

   Қызылорда. Қалаға қарасты Қараөзек ауылына ауыз су жүйесі тартылып, тұрғындар қуанышқа бөленді.