Сыр бойы

Жалағаш. Аудандық ішкі саясат бөлімі, «Темірқазық» қоғамдық бірлестігінің ұйымдастыруымен «Біз бірлесіп жеңіске жеттік» тақырыбында кездесу болып өтті. Жиынға Ауған соғысы ардагерлері, ішкі саясат бөлімі, қорғаныс істері жөніндегі әскерге шақыру бөлімшесінің басшысы және аудан жастары қатысты. 

Жалағаш. Биыл Жалағаш ауданы, Аққыр ауылы өзінің 50 жылдық мерейтойын атап өтеді. 

«Қармақшы аудандық ветеринариялық стансасы» коммуналдық мемлекеттік кәсіпорнында 51 ветеринар маман халықтың денсаулығын адам мен жануарларға ортақ аурулардан қорғау, жануарлардың жұқпалы індеттерінің алдын алу мен түрлі емдеу, ветеринариялық-санитарлық қауіпсіздікті қамтамасыз ету мақсатындағы жұмыстарды және ветеринариялық іс-шараларды жоспарға сәйкес жүргізіп келеді. 

Қармақшы. Ауған соғысында қаза тапқан жауынгер-интернационалист Нұрлыбек Айсауытовтың анасы Досниязова Есенкүл "Жауынгерлік бауырластық" Бүкілресейлік ардагерлер қоғамдық бірлестігінің төрағасы Б.В.Громовтың "Қаза тапқан отан қорғаушының отбасына" атты естелік белгімен марапатталды.

Қазалы. Ауданда бүгінгі күні тұрғын үйге мұқтаж 257 адам кезекте тұр. Олардың 229-ы әлеуметтік қолдауды қажет ететіндер болса, 28-і бюджеттік сала қызметкерлері саналады. 

Арал. Аудандық мәдениет үйінде республикаға белгілі айтыскер ақын, жыршы-термеші Бекұзақ Тәңірбергенов туралы жазылған «Жыр-ғұмыр» атты кітабының тұсаукесер кеші өтті. Оны Қазақстан Журналистер Одағының мүшесі, ақын Талғат Тілеулесов жазған. 

 Шиелі. Аудандағы Еңбекші ауылында Ұлы Отан соғысының ардагері, Социалистік Еңбек Ері Байдүйсен Оразов атындағы қазақ күресінен 2000-2001 жылдары өмірге келген жасөспірімдер арасында облыстық турнир болып өтті. 

Жаңақорған. Биылғы жылдың басында Жаңақорған ауданы бойынша 2504 шағын және орта кәсіпкер тіркелген. Соның бірі – аудан орталығындағы Жанат Жәмшитқызының тігін шеберханасы. 

Қазақстан Республикасы Президентінің «Әкімдердің халыққа есеп беру кездесулерін өткізу туралы» 2013 жылғы 15 тамыздағы №615 Жарлығына сәйкес, Қызылорда облысының әкімі Қырымбек Елеуұлы Көшербаев 2014 жылғы 19 ақпанда сағат 11.00-де Н.Бекежанов атындағы драма театрда халық алдында есеп береді. 

Шиелі. Аудандағы Ы.Жақаев атындағы күріш өсіру мұражайының директоры Құттықыз Ыханова мәдениет саласына сіңірген еңбегі үшін Қазақстан Республикасы Мәдениет және ақпарат министрлігінің "Мәдениет саласының үздігі" төс белгісімен марапатталды.