Сыр бойы

«Сыр медиа» ЖШС өз құрамындағы баспа және электронды ақпарат көздерін біріктіре отырып, жаңа порталды іске қосты.

Қазақстан халқы тілдерінің күні мерекесіне орай Қызылорда қаласындағы «Достық» үйінде «Тіл – татулық тірегі» атты облыстық фестиваль болып өтті. Облыстық ішкі саясат басқармасының ұйымдастыруымен өткен шара Тәуелсіздіктің 25 жылдығына арналды. 

Қызылордалық жас кәсіпкерлер Ержан Сүгірәлин мен Арыстанбек Шайменов биыл Кәсіпкерлер палатасына «Бизнес-Өсу» жобасы аясында қызмет түрлерін алуға өтінім білдіреді.

Облыстық ішкі саясат басқармасы және «Медиа-Жұлдыз» қоғамдық қорының шақыруымен халықаралық журналист, тележүргізуші Қанат Әуесбай кеше Қызылордаға келіп, белсенді әлеуметтік желі қолданушылары мен сайт тілшілеріне арнап семинар-тренинг өтті. 

Қорқыт Ата атындағы Қызылорда мемлекеттік университетінде  «Мұстафа Шоқайтану» ғылыми-зерттеу орталығы ашылды, - деп хабарлады университеттің баспасөз қызметінен.

Бастауыш кәсіпкер Ғалымжан Иманғалиевтің «GARAGE №1» атауымен көлік жуу бекеттерінің жүйесін ұйымдастыру идеясын «Даму» қоры қолдап, «СбербанкРоссии»ДБ АҚ арқылы несие рәсімдеуі үшін 85% кепілдемесін ұсынды. Кәсіпкер ақшаны көлік жуу қызметінің өзіндік құны төмен болуына мүмкіндік беретін соңғы үлгідегі құрал-жабдықтар сатып алуға жұмсады, - деп хабарлады облыстық кәсіпкерлер палатасының баспасөз қызметінен.

Сырдария ауданының орталығы Тереңөзек кентінде жасөспірімдер арасында волейболдан XVIII халықаралық турнирдің ашылу салтанаты өтті. Турнирге Қазақстанның 7 аймағынан және Өзбекстан Республикасынан 22 команда, барлығы 250 спортшы қатысуда. Дүбірлі жарыс 3 күн жалғасып, 24 қыркүйек күні аяқталады, - деп хабарлады облыс әкімінің баспасөз қызметінен.

Қазақстан халқы тілдерінің күні мерекесіне орай облыстық ішкі саясат басқармасының ұйымдастыруымен «Үш тілді білу – заман талабы» атты дөңгелек үстел отырысы өтті.  

Шиелі ауданының орталығындағы «Салтанат  сарайында» ақын Дәулетбек Байдрахманның 70 жасқа толу құрметіне облыс жас ақындарының қатысуымен мүшайра болып өтті. Киелі Шиелінің топырағында туып өскен жерін жерұйығына теңеген ақын осыдан 5 жыл бұрын бақилық болған еді. Оның қаламынан «Гүлім болсын ұсынған», «Отан деп соққан жүректер», «Жүректегі жауҺарлар», Жырдастан», «Алдаспан» атты бірнеше жыр кітаптары оқырмандарға жол тартқан болатын-ды.  Аталмыш шараны аудан әкімі Қайратбек Сәрсенбаев кіріспе сөз сөйлеп ашты.

Бүгін Қызылорда облысының әкімі Қ.Көшербаев Ұлы Отан соғысының ардагері, Қызылорда облысының құрметті азаматы Кеңесбай Қалиевті 95 жас мерейтойымен құттықтады.