Сыр бойы

Қорқыт Ата атындағы ҚМУ-да "Тұрақты ғылыми технологиялық даму: трендтер мен технологиялар” халықаралық ғылыми-тәжірибелік конференциясының "Қор-энергия үнемдегіш технологиялар: тәжірибе және келешегі” секциясының жұмысы өтті. ҚР Ұлттық инженерлік академиясының 25 жылдығына арналған басқосуды университет ректоры, техника ғылымдарының докторы, профессор Қылышбай Бисенов ашып, секция жұмысына сәттілік тіледі.

Халықаралық қарттар күнін облыс ардагерлері жиылып қарсы алды. Қаламыздағы «Меруерт» мейрамханасында бас қосқан ардагерлер қауымы төл мерекеге орай жайылған дастарқанның куәсі болды. Салтанатты шараның ашылуында облыс әкімінің орынбасары Руслан Рүстемов қазыналы қарттарымызды құттықтап, үлкенін ұлықтаған елдің ісі алға басатынын жеткізді. 

Ұлттық экономикамыздың жетекші күші – кәсіпкерлікті қолдау қашанда маңызды. Өйткені, кәсіпкерлік экономиканың тұрақтылық кілті екендігі әлем тәжірибесінде дәлелденген. Осыған орай облыс¬тағы бұл саланың дамуы мен «100 нақты қадам» ұлт жоспарының «индустрияландыру және экономикалық өсім» бағытының жүзеге асырылуы бойынша демократиялық күштердің аймақтық коалициясы отырысы болды. Кезекті басқосудың тізгінін «Нұр Отан» партиясы Қызылорда облыстық филиалы төрағасының бірінші орынбасары Ибадулла Құттықожаев ұстады. 

Социалистік Еңбек Ері, Қазалы ауданының құрметті азаматы Кәрібоз Әлимаевтың 80 жасқа толу мерейтойы Қазалы ауданында салтанатты түрде аталып өтті, - деп хабарлады аудан әкімінің баспасөз қызметінен. 

Тәуелсіздіктің 25 жылдығы, Жалаңтөс Баһадүрдің 440 жылдық мерейтойы қарсаңында Қазалы аудандық мәдениет және тілдерді дамыту бөлімінің қолдауымен, Абай ауылдық клубының ұйымдастыруымен «Домбыра-думан» атты аймақтық термешілер мен күйшілер байқауы өтті. 

Қызылорда қаласының оқушылары екі жыл бұрын ашылған «Smart Rubber» ЖШС-де болып, жұмысымен танысты, - деп хабарлады облыстық кәсіпкерлер палатасының баспасөз қызметінен. 

Бүгін Қызылорда облысының әкімі Қ.Көшербаев қаладағы бірқатар әлеуметтік нысандарды аралады. Алдымен облыстық көпсалалы балалар ауруханасының құрылыс жұмыстарымен танысты. Құрылысы 2014 жылы басталған көпсалалы балалар ауруханасы биыл пайдалануға берілмек, - деп хабарлады облыс әкімінің баспасөз қызметінен.

Қызылорда қаласындағы Назарбаев Зияткерлік мектебінде 7-11-сынып оқушылары арасында ғылыми жобалар байқауы өтті, - деп хабарлады НЗМ-нің баспасөз қызметінен.

Клуб кәсіпорындарына әдістемелік көмек көрсету, тәжірибе алмасу, клуб қызметкерлерінің кәсіби деңгейін көтеру мақсатында Қазалы аудандық мәдениет және тілдерді дамыту бөлімі, облыстық халық шығармашылығын дамыту және продюсерлік орталығы «Мәдениеті өскен ел – өркениетке көшкен ел» атты облыстық семинар-кеңес ұйымдастырды. 

Кеше облыс әкімдігінің өңірлік коммуникациялар орталығында Қызылорда облыстық сотының 2016 жылдың 9 айындағы жұмыс қорытындысына арналған брифинг өтті.