Сыр бойы

Халық алдындағы есеп беру кездесулерін өзге өңірлерден ертерек бастаған Шиелі ауданында  апта көлемінде 22 ауылдық округ пен аудан орталығы – Шиелі кентінде атқарушы билік орындарының есептері тыңдалды. Ал аптаның дүйсенбісінде аудан әкімі Қайратбек Сәрсенбаев бастаған  ауыл әкімдері Жаңатұрмыс, Иіркөл, Бидайкөл, Қарғалы ауылдық округтерінде болып, халықпен кездесті. Жиынға облыстық жердің пайдалануы мен қорғалуын бақылау басқармасының басшысы Қ.Тоғызбаев қатысты. 

Халық пен билік арасындағы байланыстың бір көрінісі – есептi кездесу екендігі белгілі. Өйткені, мұнда халық өңірдің дамуы, экономикалық жетістіктері мен әкімдердің алдағы жоспарлары туралы мәліметтерден хабардар болып, өздерінің ұсыныс-талаптарын ортаға салуға мүмкіндік алады. 

Қазалыда аудан әкімі Нажмадин Шамұратовтың жұртшылыққа жылдық есеп беру жиыны онан әрі жалғасуда. Кеңес Одағының Батыры  Үрмәш Түктібаев ауылындағы жүздесуде бау-бақша өсіру жайы әңгіме өзегіне айналды. Мұның себебі де бар. Ауыл тұрғындарының атағы көпшілікке бағбандықпен жақсы мәлім. Өткен жылы азық-түлік қауіпсіздігін сақтау мақсатында «Айтбай» учаскесінен 75 гектар қауын-қарбыз, 15 гектар картоп, 40 гектар көкөніс, тағы басқа дақылдар еккен  ауыл халқы ойдағыдай өнім алған еді. Сол игі дәстүр  биылғы жылы да  жалғасын таппақшы. 

Қармақшы ауданының әкімі Сұлтан Мақашов Т.Көмекбаев, Қуаңдария, Алдашбай ахун және Дауылкөл ауылдық округтерінің тұрғындарымен есепті  кездесуін өткізді. Ауданның әлеуметтік-экономикалық даму көрсеткіштеріне тоқталып, негізгі салалардағы оңды өзгерістерді, атқарылған жұмыстарды, туындаған мәселелерді атап өтті.

Қазақстан Республикасының Тұңғыш Президенті атындағы саябақтан басталып, «Болашақ» университетінде жалғасқан «Алаугерлер эстафетасына» қатысушылар түс ауа қаладағы «Ақмешіт» гуманитарлық-техникалық институтының алдына жетті.

Салық заңдылығына енгізілген бірқатар өзгерістер мен толықтырулар 2017 жылдың 1 қаңтарынан бастап күшіне енді. Қызылорда қалалық кірістер басқармасының ұйымдастыруымен осы өзгерістер мен толықтыруларды  түсіндіру бойынша семинар-кеңес өтті. Қызылорда қалалық кіріс басқармасы басшысының орынбасары Ашраф Жүсіпов жүргізген семинар-кеңеске облыс орталығындағы мекемелер мен бизнес құрылымдарының өкілдері қатысты. 

Бүгін Қызылордада 28 қаңтар мен 8 ақпан аралығында Алматы қаласында өтетін XXVIII қысқы Универсиаданың алауы жағылды.

Кеше Өңірлік коммуникация қызметінде «Сыр медиа» ЖШС жанындағы ақпараттық-талдау орталығының басшысы, саяси ғылымдарының кандидаты Сәулет Сахиев пен «Тілдерді оқытудың өңірлік орталығы» мемлекеттік мекемесінің директоры Нұрсәуле Мусаева ҚР Президентінің билік тармақтары арасында өкілеттіктерді қайта бөлу мәселелері жөніндегі Үндеуге пікірін білдіріп, баспасөз конференциясын өткізді. 

Бүгін облыстық білім басқармасының ұйымдастыруымен ҚР Президентінің билік тармақтары арасында өкілеттіктерді қайта бөлу мәселелері жөніндегі Үндеуін талқылау және түсіндіру мақсатында мәжіліс өтті. 

Өңірлік коммуникациялар қызметінде Қорқыт Ата атындағы ҚМУ-нің «Қазақстан халқы Ассамблеясы» кафедрасының меңгерушісі, тарих ғылымдарының кандидаты, облыстық ҒСТ жетекшісі Н.Мыңжас, «Қазақстандағы орыс қауымы» қоғамдық бірлестігінің Қызылорда филиалының жетекшісі В.Толоконников, «Қазақстан кәрістер қауымдастығы» Қызылорда облыстық қоғамдық бірлестігінің мүшесі Ю.Ким Елбасының билік тармақтары арасында өкілеттіктерді қайта бөлу мәселелері жөніндегі Үндеуіне пікір білдірді.