Сыр бойы

ҚР Премьер-Министрі Асқар Мамин жұмыс сапары барысында Қызылорда облысының Байқоңыр қаласының әлеуметтік-экономикалық дамуымен, сондай-ақ ғарыш саласындағы бірлескен қазақстандық-ресейлік жобалардың іске асырылу жағдайымен және перспективаларымен танысты.

Облыс әкімі Қ.Ысқақов Сырдария және Қармақшы аудандарына жұмыс сапарымен барды. Аймақ басшысы Сырдария ауданы, Тереңөзек кентіндегі №11 аудандық олимпиадалық резервтік мамандандырылған балалар мен жасөспірімдер мектебінде болып, спортшылармен кездеседі. 

Алдағы жылу маусымында сырдариялықтар газ тұтынады. Қазір «көгілдір отынға» қосылуға дайындық жұмыстары кент орталығы Тереңөзекте қарқын алды. 

Екатеринбургте (Ресей) өткен Әлем чемпионатының жүлдегерлері, қызылордалық боксшылар Қамшыбек Қоңқабаев пен Тұрсынбай Құлахмет «Токио Олимпиадасынан қоржынымыз бос қайтпайды» деп отыр.

Қазір жұмыс науқаны қызған егіс алқаптарында, құрылыс нысандарында бейресми жұмыс атқарып жүрген жұмысшылар жеткілікті. Бұл – бірқатар салаларда бұрыннан бар мәселе. Жұмыс беруші мен қызметкер арасында келісімшарт болмауы зейнетақы жүйесімен қамтылмауға, кейде жалақының тұрақты қолға тимеуіне әсер етеді. Мұның алдын алу үшін облыстық «Jas Otan» Жастар қанатының жанынан барлық аудандарда мониторингтік жасақ құрылады. Бұл туралы «Nur Otan» партиясы жанындағы «Jas Otan» Жастар қанаты облыстық филиалының төрағасы Талғат Тілес хабарлады. 

Қазалы ауданы Әйтеке би кентіндегі Е.Бозғұлов атындағы №249 мектеп-лицейде «Қобыланды батыр» жырын жатқа айтудан «Qazaq Epos» республикалық ағарту жобасы «Тұлпар мініп, ту алған!» байқауының аудандық іріктеу кезеңі өтті. Оған аудан мектептерінде 6-10 сыныпта оқитын 340 оқушы қатысып, өз бақтарын сынады.

Сырдария ауданының әкімі Руслан Рүстемов Тереңөзек кентіндегі №210 Оспан Әбілпаттаев атындағы орта мектебінде және №35 Иса Тоқтыбаев атындағы мектеп-лицейінде болып, білім ордаларының жұмысымен, жетістіктерімен танысты. Аудан басшысы педагогикалық ұжым қызметкерлерімен кездесіп, төртінші өнеркәсіптік революция кезеңіндегі білім беру саласын дамыту бағытында пікірлесті.

Қаңғыбас иттер жергілікті тұрғындар үшін қауіпті, олар инфекциялық аурулар тасымалдайды. Далада қаңғырып жүрген иттердің көлемі жыл өткен сайын көбеюде. Оның себебін мамандар қожайынның жауапсыздығынан көреді. Ал дамыған елдерде олармен күресу үшін арнайы ереже қабылданған. Мысалы, АҚШ-та қаңғыбас иттерді қадағалау қағидасы 1976 жылы жасалып қойған. Бұл ереже барлық штатқа ортақ. Қараусыз қалған кез-келген итті мамандар ұстап алып, арнайы белгіленген орынға жібереді. Тіпті полиция офицерлері де көмекке келеді мұндайда. Өйткені Америкада итті, жалпы жануарды қорлаған адам тергеуге ілінеді. Арнайы орынға жеткізілген итке қожайын қарастырылады. Ит асырау мәселесі де маңызды болып есептеледі.

Облыстық табиғи ресурстар және табиғат пайдалануды реттеу басқармасының басшысы қызметін атқарып келген Абдуалиев Айдар Сейсенбекұлы жаңа қызметке тағайындалды. 

Сырдария ауданында айтыскер ақын, өтірік айтыс жанрының майталманы Заметдин Ибадуллаев атындағы дәстүрлі ақындар мектебі ашылады. Бұл туралы аудан әкімі Руслан Рүстемов «Фейсбук» әлеуметтік желісіндегі жеке парақшасында хабарлады.