Сыр бойы

Қазақстан Республикасының Ұлттық банкі еліміздегі шағын және орта кәсіп иелерін жеңілдікпен несиелеудің жаңа бағдарламасын әзірлеп жатыр, - деп хабарлайды ҚазАқпарат тілшісі.

Елімізде жарияланған төтен­ше жағдай уақытында рұқсат етілген азық-түлік, дәрі-дәрмек, ауылшаруашылық, өмір сүруді қамтамасыз ететін қызметтер барлық санитарлық қауіпсіздік талаптарын сақтай отырып, жұмыс жасауы керек.  Төтенше жағдай уақытында атқарушы билік тарапынан аймақтың экономикасын тұрақтандыру мақсатында бірқатар шаралар қабылданып жатыр.

Ауыл шаруашылығын қаржылай қолдау қорына несие бойынша төлемдерді кейінге шегеру жөнінде көптеген өтініштер келіп түсуде, - деп хабарлайды ҚазАқпарат.

Ұлттық банк 2020 жылдың 10 маусымында 2006 жылы шыққан 500 теңгелік банкноттардың ақша айналымынан алынатынын еске салды, - деп хабарлайды ҚазАқпарат тілшісі.

Құрама Штаттар президенті Дональд Трамп Дүниежүзілік денсаулық сақтау ұйымы (ДДҰ) коронавирус пандемиясымен күресте дәрменсіз болуына байланысты ұйымның бюджетіне жарна төлеуді тоқтата тұруға бұйрық бергенін мәлімдеді. Бұл туралы ҚазАқпарат ВВС агенттігіне сілтеме жасап хабарлайды.

Әлемді жайлаған бүгінгі қасіретті сарапшылар өткен ғасырдың 20-30 жылдардағы АҚШ-тағы ұлы депрессиямен салыстырады. Осыдан тұп-тура 100 жыл бұрын капиталистік дүниенің мызғымастай көрінген жүйесі оңбай сыр берді. Бай мен кедейдің тұрмысында жер мен көктей айырмашылық пайда болды. Ешқандай байсалды тірлікке бейімделмеген, сәл дөрекі айтқанда, құмар ойындардың сипатына көбірек ұқсайтын қор биржалары бір сәтте-ақ құлдырады, байлар кедейленіп қалмаса да жиған-тергенінен айырылды, тақыр кедейлер көбейді. АҚШ-та бір сәтте 20 млн жұмыссыз көшеде сеңдей соғылысып, адамдарды тонауға кірісті. 2 млн адам аштықтан өлді.

Әлем экономикасының құлдырауы салдарынан мұнай бағасы күрт төмендеді. Айналасы бір айға жуық уақыт өтпей баға екі есеге құлдырады. Мұндай жағдай мұнай өндіруші елдер ұйымына кіретіндер тарапынан бүгінде үлкен алаңдаушылық туғызып отыр. Осыған орай 9-10 сәуірде ОПЕК және оған енбейтін әлемнің 20 мемлекеттерінің энергетика министрлері онлайн режимінде бас қосып, өзекті мәселені талқылады.

ОПЕК+ елдері мұнай өндіруді тәулігіне 9,7 млн баррельге қысқартуға келісті. Бұл жөніндегі келіссөздер 10 сағатқа созылып, бейсенбіден жұмаға дейін жалғасты. Тарихи мәмілеге тақтатас революциясының арқасында әлемдегі ең ірі мұнай өндірушілердің біріне айналған АҚШ елі алғаш рет қосылды, - деп хабарлайды ҚазАқпарат ВВС-ге сілтеме жасап.

Қауіпті дерттен сақтану үшін дәріханадан бетперде таппай жүргенде ауылдағы тігінші Жұпаркүл апамыз әдепкілердің қатарында оны қолдан тіге бастады. «Dalatex» компаниясы қала халқын қамтамасыз етсе, Қоғалыкөлдегі жұртшылық бетпердені Жұпаркүл Нұржановадан алды. Қаладан алуды ұмыт қалдырғандар мен бетперде таппай сабылғандар тігінші апайдың есігін қақты. Әлбетте, аспандағы бағаны сұраған жоқ. «Қанағат қарын тойдырар» деп қалтаға қонымды бағаға ауылдастарына ұсынды. Тіпті біршамасын тегін де таратты.

Коронавирус дерті әлем экономикасына мықтап салқынын тигізе бастады. Сарапшылар бүгінгі ахуалды сараптан өткізіп, оның зардабы әсіресе, жаңа басталған екінші тоқсанда күрт сипат алатынын айтады. Қазір Қытай экономикасы есін жия бастады. Бірақ Еуропа елдеріндегі жағдай әлі күрделі. Оған АҚШ экономикасында орын алған дағдарысты қосыңыз.