Сыр бойы

Қалтай Мұхамеджанов атындағы №1 мектеп-гимназиясында өткен «Соңғы қоңырау» салтанатына қала әкімі Нұрлыбек Нәлібаев қатысты.Білім ошағының іргесі 1918 жылы мұсылман мектебі ретінде қаланған.

Акредиттеу және рейтинг тәуелсіз агентігі (НААР) жүргізген Қазақстан Республикасы жоо-ның Ұлттық рейтингі – 2018 нәтижелері бойынша университеттің 7 білім бағдарламасы үздік үштікке енді, оның ішінде:

Қызылорда қаласы білім бөлімі, "Жас отан" жастар қанаты Қызылорда облыстық филиалы жанынан құрылған "Жалын" облыстық пікірсайыс орталығы, «Рухани жаңғыру» орталығының ұйымдастыруымен Б.Шалғынбаев атындағы №217 орта мектепте "Ғаламтордың ғаламаты мен кесапаты" атты пікірсайыс өтті.  

Қызылорда қаласы білім бөлімінің ұйымдастыруымен №268 мектеп-лицей базасында қалалық білім бөліміне қарасты №№143, 215, 218, 268, 145, 235, 257, 278 мектептерінің бірігуімен Қазақстан Республикасының Президенті Н. Назарбаевтың “Болашаққа бағдар: рухани жаңғыру” атты мақаласындағы  “Тәрбие және білім” базалық жобасын іске асыру бойынша “Ата-баба дәстүрі - ұрпаққа аманат” тақырыбындағы қалалық семинар-практикум болып өтті.

Ағымдағы жылдың 15 мамыр күні  барлық мектепте бірдей уақытта «Білімді ұлт – сапалы оқыту мен отбасы құндылығы» атты жалпыұлттық ата-аналар жиналысы өтті. Жиынға Қызылорда облысының білім басқармасы, жергілікті атқарушы органдар, қоғамдастықтар мен БАҚ өкілдері қатысты. 

Өткен жылы аймақ жастары ұлттық бірыңғай тесті бойынша биік нәтижеге көтеріліп, осы негіздің арқасында мектеп түлектерінің 97 пайызы жоғары және арнаулы оқу орнына оқуға түсті. Облыс басшысының тікелей қолдауымен осындай озық үлгі қалыптасты. Міне, мұны облыс тарихындағы теңдессіз табыс десе болады.

І.Қабылов атындағы №12 орта мектепте өзін-өзі тану педагогтары мен әдіскерлер, пән мұғалімдері және білім беру ұйымдары өкілдерінің қатысуымен “Өзін-өзі тану” рухани-адамгершілік білім беру бағдарламасын жүзеге асырудың жаңа бағыттары” тақырыбында республикалық әдістемелік семинар өтті.

Елімізде жүзеге асырылып жатқан «Цифрлық Қазақстан» мемлекеттік бағдарламасы жаңа технологиялар арқылы халықтың өмір сүру сапасын жақсартуды көздейді. Бағдарлама шеңберінде тұрғындардың цифрлық сауаттылығын арттыру міндеті белгіленген. Осыған орай, халықтың цифрлық дағдыларын қалыптастыру үшін тренерлерді дайындау семинары өтті. Онда облыс әкімі аппараты басшысының орынбасары Индира Ақжігітова жаңа технологияға бейімделудің маңызы жайлы айтып өтті.

Жастарды кәсіби мамандық  алуға даярлау уақыт талабы екені белгілі. Бұл тұрғыда теңізді ауданда көңіл қуантар істер баршылық. Солардың алдыңғы легінде Арал индустриалды-техникалық колледжінің ұжымы тұр десек, артық айтқандық болмас.Елбасы тапсырмасымен жастардың кәсіби мамандық алуы үшін «Баршаға арналған тегін кәсіби-техникалық білім» жобасы қабылданғаны белгілі. Осы мақсатта әлеуметтік әріптес кәсіпорындардың берері мол. Жобаға қатысушылар колледждің материалдық-техникалық базасын жетілдіруге, өндірістік оқуды ұйымдастыруға, түлектерді жұмыс орнымен қамтамасыз етуге қатысатын болады.

Сейсенбіде Қызылорда қаласындағы С.Әлжіков атындағы №144 мектептің 8 сынып оқушылары арасында «Мақсат қою және оны жүзеге асыру жолдары» тақырыбында тренинг болды. Мектептің педагог-психологы Бақытгүл Сейітханова ойын түріндегі мұндай сабақтардың жыл бойы жалғасатынын жеткізді. Тренинг барысында балалар мақсат қоя білу, оған жету жолдары туралы ойларын білдірді. Айта кетейік, сабақ «Табысқа жететін төлқұжат» бағдарламасы аясында өткізіліп отыр.