Сыр бойы

Аймағымызда жарияланған санитарлық - тазалық, көркейту және көгалдандыру екі айлығы Шиелі ауданының Жөлек аулында қарқынды жүргізіліп келеді. 

Облыстық ішкі саясат басқармасы және «Туған жер» қоғамдық қозғалысы қауымдастығы жақында халыққа қызмет көрсету орталығында «Құқықтық сауаттандыру – сыбайлас жемқорлыққа тосқауыл» атты сыбайлас жемқорлықпен күрес бойынша онлайн-конференция өткізді.

Жуырда Шиелі ауданының Алмалы ауылында ауыл жастарына арналған спорт кешені ашылды. 

Облыстық баспасөз клубында қысқы спорт түрлерін дамыту мәселелеріне байланысты сала мамандары жергілікті бұқаралық ақпарат құралдары өкілдерімен жүздесті. Оған облыстық дене шынықтыру және спорт басқармасының басшысы Садық Мұстафаев, «Мұз айдыны» көпсалалы спорт кешені директорының орынбасары Ермек Көкетов, бапкерлер – Елена Назаренко, Болат Қаржаубаев және Расима Жавзмагина қатысты.

Облыстық тұтынушылар құқығын қорғау қоғамының мәжіліс залында Қазақстан Коммунистік халық партиясы облыстық комитетінің ұйымдастыруымен «Ақбұлақ» мемлекеттік бағдарламасының жүзеге асырылуының жаңа индикаторлары» тақырыбында қоғамдық тыңдау өткізілді. Оған ҚР Мәжіліс депутаты Галина Баймаханова, саяси партиялар мен мемлекеттік органдардың және мемлекеттік емес ұйымдар мен қоғамдық бірлестіктердің өкілдері қатысты.

Осы аптаның сейсенбі және сәрсенбі күндерінде Ә.Тәжібаев атындағы облыстық кітапханада «Интернет кеңістігін тиімді пайдаланудың негізгі әдістері мен тәсілдері» тақырыбында семинар өткізілді. Оны облыстық ішкі саясат басқармасы ұйымдастырды. Аталмыш шараға жергілікті басқармалар мамандары және аймаққа белгілі блогерлер қатысты.

Жақында баспасөз клубында облыстық төтенше жағдайлар департаменті бастығының орынбасары Б.Ертаев пен төтенше жағдайлар департаменті мемлекеттік өрт бақылау басқармасының бастығы, өртке қарсы қызмет подполковнигі Ғ.Төрешовтің қатысуымен баспасөз мәслихаты өткізілді.

Өткізілген конкурс нәтижесі бойынша 2013 жылғы 24 қазандағы облыс әкімінің өкімімен Тойбазаров Сейілхан Сыдықұлы  міндетті арнайы тексеру нәтижесі келгенге дейін Қызылорда облысының сәулет және қала құрылысы басқармасы басшысының міндетін уақытша атқарушы болып қабылданды.

Қазақстан Республикасы Бас прокуратурасы құқықтық статистика және арнайы есепке алу жөніндегі комитетімен  өтініштердің қарау тәртібі ашықтығын қамтамасыз ету және оның барысында  сыбайлас жемқорлыққа жол бермеу мақсатында «Айқын» жобасы әзірленді. Ол үстіміздегі жылдың 1 сәуірінен бастап, Қызылорда облысы әкімдігі аппараты және  облыстық басқармалар  тікелей жүгінген әрбір жеке тұлғаларға және заңды тұлға өкілдеріне  бірегей нөмірлері бар талондар беру жүзеге асырылуда.

Орталық коммуникациялар қызметінде өткен брифингте ресми өкіл Алтай Әбибуллаев апта ішінде орын алатын іс-шаралардан хабардар етті. Осы аптада Елбасы Нұрсұлтан Назарбаев ҚР Соттарының VІ съезіне қатысады. Съезге 700-ге жуық делегат пен 20 халықаралық ұйымның мүшесі келеді деп күтілуде. Президент съезде Қазақстанның 2050 жылдарға дейінгі дамуындағы соттардың рөлі мен V съезде жүктелген міндеттердің орындалуына тоқталатын болады.