Сыр бойы

Жыл басталысымен жергілікті орган басшылары өткен жылды қорытып, ағымдағы жылда атқарылатын міндеттерді сараптай бастады. Т.Жүргенов атындағы шығармашылық үйіндегі облыстық коммуникациялар орталығында алғаш болып облыстық экономика және бюджеттік жоспарлау басқармасының басшысы Сәуле Құлымбетова БАҚ өкілдеріне брифинг өткізді.

Кеше «Сыр медиа» ЖШС жанындағы коммуникациялар орталығында облыстық ішкі саясат басқармасының басшысы Руслан Рүстемовтің қатысуымен брифинг өтті. Онда басқарма басшысы өткен жылы ішкі саясат саласында атқарылған істерді кеңінен әңгімелеп, биылғы жылдың жұмыс жоспарымен таныстырды.

Облыс әкімі Қырымбек Көшербаев «Қазан Құдай ана Иконасы» православтық шіркеуіне барып, православие өкілдерін Рождество Христово мерекесімен құттықтады.

Шиелі ауданындағы "Ақмая”, "Төңкеріс”, "Бидайкөл” және "Бестам елі” шаруа қожалықтарының жері банк кепілдігінен босатылды. Бұл жөнінде Т.Жүргенов атындағы шығармашылық үйіндегі облыстық коммуникациялар орталығында журналистермен жүздескен Шиелі ауданының әкімі Қайратбек Сәрсенбаев айтып берді. Сондай-ақ, брифингке "Ақмая” және "Бестам елі” ЖШС басшылары А.Жұмаділов пен Б.Қошқаров та қатысты.

Сейсенбіде облыс әкімі Қырымбек Көшербаевтың төрағалығымен облыс әкімдігінің мәжілісі өтті. Мәжілісте Жаңа жыл мерекесі кезіндегі қоғамдық тәртіп, алдағы жылға арналған маңызды шаралар, әкімдердің тұрғындар алдындағы есеп беру кездесулерін өткізу, автокөлік жолдары мен жолаушылар тасымалдауды дамыту, халық тұтынатын тауарлар бағасына қатысты мәселелер талқыланды.

2015 жылдың қыс-көктем мезгілдеріндегі су тасқындарының алдын алу мақсатында Арал ауданында командалық-штабтық оқу-жаттығу жұмыстарына дайындық жүргізілді. 

Жылқы жылының соңғы күнінде облыс әкімі Қ.Көшербаев Жаңа жыл мерекесімен құттықтау үшін және жұмыс барыстарын бағдарлау мақсатында облыстық мамандандырылған сәбилер үйіне және «Ана мен бала орталығына» барды. Сонымен қатар, «Қызылордажылуэлектрорталығының» жұ­мысымен танысты.

Облыс әкімі Қырымбек Көшербаев 31 желтоқсанда Орталық алаңда Сыр жұртшылығын Жаңа жыл мерекесімен құттықтады. Көпшілік алдында аймақ басшысы ізгі лебізін білдіріп, өткен жылдың біздің өңір үшін табысты болғанын жеткізді.

Жаңа жыл қарсаңында Қызылорда облыстық филармониясы облыс орталығындағы А.Тоқмағамбетов атындағы мәдениет үйінде «Қой жылының құпиясы» атты шытырман оқиғаға толы жаңажылдық ертеңгілік өткізді.

Қазақстан Республикасы Үкіметінің биылғы «Дарын» мемлекеттік жастар сыйлығы лауреаттарының есімдері белгілі болды. Олардың арасында біздің жерлесіміз, «Қазақстан» республикалық телерадиокорпорациясының Қытай Халық Республикасындағы меншікті тілшісі Дәурен Омаров та бар. Дәурен 1988 жылы туған. Шанхай қаласындағы Шығыс Қытай Ғылым және технологиялар университетінің бакалавриаты мен магистратурасын бітірген. Мамандығы – инженерлік менеджмент бакалавры, экономикалық құқық магистрі. 2012 жылдан бері – «Қазақстан» ұлттық телеарнасының Қытайдағы меншікті тілшісі.