Сыр бойы

 Дүние тылсымын қобыз сарынынан іздеген баба мұрасының ЮНЕСКО тізіміне енуі біз үшін бұл үлкен қуанышты хабар. Қазақ руханяты, бүкіл түркі әлемі үшін Қорқыт мұрасы үлкен жетістік. «Қорқыт ата» кітабы туралы зерттеулер де жетерлік.

Қазақстан Республикасының Тұңғыш Президенті күні қарсаңында «Бейнеу-Бозой-Шымкент» магистральді газ құбырында бірнеше маңызды индустриялық нысандар пайдалануға берілді.

Құрметті қызылордалықтар! Сіздерді Қазақстан Республикасының Тұңғыш Президенті күні мерекесімен шын жүректен құттықтаймын. Ширек ғасырдан астам уақыт Мемлекет басшысы Н.Ә.Назарбаев Тәуелсіз Қазақстанның символы, ел тәуелсіздігін қамтамасыз етуші болып келеді. Ұлт көшбасшысы - Елбасының жасампаз саясаты – республика азаматтарының қарқынды дамуы және құқықтары мен бостандықтарын қорғаудың кепілі. Біздің мемлекетіміздің жетістіктері – барша қазақстандықтың қажырлы еңбегінің және Тұңғыш Президенттің көреген саясатының нәтижесі. Қазақстанның тұрақты және қарқынды дамып, ТМД елдері арасында көшбасшылардың бірі ретінде танылғанын мақтан етеміз.

Біздің мемлекетіміз, басқа да көптеген мемлекеттер сияқты, сыбайлас жемқорлықтың алдын алу және оны болдырмау мақсатында қарқынды жұмыс жүргізуде. Қазақстан - сыбайлас жемқорлыққа қарсы заңнама қабылдаған және осы мәселе бойынша халықаралық конвенцияға мүше болған алғашқы ТМД елдерінің бірі.

Сыр топырағында дүниеге келіп, есімі әлемдік және республикалық деңгейде елге танылып жүрген азаматтар Қызылорда облысында өткізілген «Туған жерге тағзым» акциясына арнайы келді. Олардың қатарында мәдениет, медицина, өнер, журналистика және басқа сала өкілдері бар, деп хабарлайды ҚазАқпарат тілшісі.

Апта басында Астанадағы Тәуелсіздік сарайында «Азаматтық қоғам және мемлекет: Диалог. Серіктестік. Сенім» тақырыбында VIII азаматтық форум өтті. Форумның пленарлық отырысына Мемлекет басшысы Нұрсұлтан Назарбаев қатысты.

Қазақстан тәуелсіздігіне тарих өлшемімен алғанда қас-қағым уақыт болып есептелетін 27 жыл толды. 1991 жылы 1 желтоқсанда алғашқы Президент  сайлауы өтті. Осы сайлауда Тұңғыш Президент Нұрсұлтан Назарбаев 98 проценттен астам дауыс жинады. Еліміз тәуелсіздік алумен қатар президенттік басқару жолына алғашқы қадамды осы 1991 жылдың 1 желтоқсанында жасады.

Қызылорда облысының тарихи-мәдени мұраларын қорғау және пайдалану жөніндегі ғылыми-әдістемелік кеңесінің мүшесі, Ә.Марғұлан атындағы Археология институтының бас ғылыми қызметкері, Қорқыт ата атындағы Қызылорда мемлекеттік университетінің құрметті профессоры, тарих ғылымдарының кандидаты Жолдасбек Құрманқұлов мерейлі 70 жасқа толды.

Кеше облыс әкімі Қырымбек Көшербаевтың төрағалығымен Қызылорда облысының тарихи-мәдени мұраларын қорғау және пайдалану жөніндегі ғылыми-әдістемелік кеңестің кезекті отырысы өтті. Жиын кеңес мүшесі, Қазақстан археологиясының ірі тұлғасы, көрнекті тарихшы Карл Байпақовты еске алудан басталды. Мұнан кейін аймақ басшысы Ә.Марғұлан атындағы археология иститутының бас ғылыми қызметкері, тарих ғылымдарының кандидаты Жолдасбек Құрманқұловты 70 жылдық мерейтойымен құттықтап, иығына шапан жапты. Сондай-ақ, облыстың «Құрмет» грамотасын табыстады. Одан соң кеңес құрамындағы өзгерістермен таныстырды. Соған сәйкес облыстық мәдениет архивтер және құжаттама басқармасының басшысы Мира Әбуова, «Рухани жаңғыру» орталығының директоры Нұрлыбек Мыңжас кеңес мүшесі болып бекітілді.

Жылдағы дәстүрмен Сыр өңірінде «Туған жерге тағзым» акциясы өтуде. Шара аясында туған жерден түлеп ұшқан, еліміздің түкпір-түкпірінде қызмет етіп жүрген белгілі азаматтармен кездесу болып өтті. Жырақта жүрген жерлестер елге деген сағынышын жырмен төкті, өлеңмен жырлады, жүректен-жүрекке жеткізді.