Сыр бойы

  "Сыр Медиа" ЖШС-де бірқатар кадрлық өзгеріс болды. Атап айтқанда, облыстық "Кызылорда ньюс" интернет газетінің басшылық тізгінін Дәурен Омаров қолға алды. 

Қазақстан Республикасы Президенті Н.Ә.Назарбаевтың «Ұлы даланың жеті қыры» атты мақаласынан ұстаздар қауымы үлкен әсер алды. Әсіресе, бүгінгі жас буын – студент-жастар, оқушылар үшін өз елін-жерін тек тарихи оқиғалармен ғана емес, біртұтас ұлт тарихын танып білуі үшін танымдық-тәрбиелік маңызы зор.

Сыр елі делегаттары К.А.Тимирязев атындағы Мәскеу ауылшаруашылық университетінде болды. Облыс әкімінің орынбасары Руслан Рүстемов мен облыстық жастар саясаты мәселелері басқармасының басшысы Қуаныш Жанұзақов университет басшылығымен, қызылордалықтар оқитын факультеттердің декандарымен, жастар ісі жөніндегі мамандармен кездесіп, студенттердің үлгерімімен және жай-күйімен танысты.

Сейсенбіде Астана қаласының 20, Қызылорда қаласының 200 жылдық мерейтойына орай Н.Бекежанов атындағы қазақ музыкалық драма театрында «Жыр-әннің елі, Тұранның төрі – Қызылорда» атты мерекелік концерт өтті. Салтанатты жиынға облыс әкімі Қырымбек Көшербаев қатысты.

Бұл мақала Елбасының «Болашаққа бағдар: рухани жаңғыру» мақаласының заңды жалғасы деп есептеймін. Оның бір бағыты – аң стилі өнері. Өйткені бұл ежелгі тұрғындар мұрасының жарқын көрінісі, көркем болмысы мен рухани байлығының айшықты белгісі саналған.

 Әбділдә Тәжібаев атындағы облыстық әмбебап ғылыми кітапханада Сыр бойының зиялы қауым өкілдері Елбасының «Ұлы даланың жеті қыры» атты мақаласын талқылады. Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі облыс бойынша департаментінің ұйымдастыруымен өткен жиынға жазушылар Бегімбай Ұзақбаев, Сайлаубай Жұбатырұлы, Толыбай Абылаев және балалар ақыны Рахат Наурызбаева қатысты. 

Елбасының «Ұлы даланың жеті қыры» атты мақаласы тәуелсіз еліміздің тарихи даму кезеңінің жүрек соғысын дөп басқан тұжырымдар жинағы деп қабылдаймыз. Бұл адамзаттық жаңғырудағы қазақ болмысын түсінуге мүмкіндік беретін мақала. 

Елбасының «Ұлы даланың жеті қыры» атты мақаласында «Архив-2025», «Ұлы даланың ежелгі өнер және технологиялар музейі», «Дала фольклоры мен музыкасының мың жылы» жобалары ұсынылған. Тарихымызды тани түсуіміз үшін отандық және шет ел архивтеріне зерттеу жүргізуіміз қажет. Өйткені, шетелдік архивтерде біздің тарихымыз туралы қаншама құнды дүиелер бар. Бұл бағытта жетіжылдық бағдарлама жасау міндеттелді.

Бір жарым жыл бұрын Елбасының «Болашаққа бағдар: рухани жаңғыру» атты бағдарламалық мақаласы жарық көрген болатын. Онда: «Болашақта ұлттың табысты болуы оның пайдалы қазбаларымен емес, адамдарының бәсекеге қабілеттілігімен айқындалады», – делінген. Бұл ХХІ ғасырдағы білім мен ғылымның орнын айшықтай түседі.

Кеше 20.20 шамасында «Шымкент-Самара» автожолының бойында Арал қаласының маңында «Шымкент-Новосибирск» бағытында қатынайтын Ресейден Өзбекстанға бара жатқан автобус аударылды. Бұл туралы Қызылорда облысы әкімінің баспасөз қызметі хабарлайды.