Сыр бойы

Мемлекеттің басты байлығы – адам десек, ұлт саулығын жақсарту арқылы биік мақсатқа жету барша дамыған мемлекеттер ұстанған бас­ты бағыт екені даусыз. «Қазақстан – 2050» стратегиясында Елбасы Н.Назарбаев «Ұлт денсаулығы – біздің табысты болашағымыздың негізі» деп көрсеткен болатын. Осы орайда елімізде тұрғындардың денсаулығын қорғау бағытында Мемлекет басшысының бастамасымен бірқатар бағдарламалар қабылданып, ауқымды жұмыс атқарылып келеді. Мемлекет басшысының жыл сайынғы қазақстандықтарға арнаған ­Жолдау­ларында «бірінші байлыққа» барынша көңіл бөлініп, саланы дамыту, медициналық көмектің қолжетімділігін арттыру мәселесіне жіті назар аударылып, қаржы көлемі де артып отырғаны белгілі. Бұл Сыр медицинасына да қатысты. Мәселен, облыстың денсаулық сақтау саласын қаржыландыру кейінгі 5 жылда 26,7 процентке артып, былтыр 44,04 млрд теңгені құрады.  Қаржыдан қағажу көрмей келе жатқан салада осылайша жыл сайын алдыңғы қатардағы технологияларды енгізуге, материалдық-техникалық базаны нығайтуға, профилактикаға, науқастарды ­диагностикалау мен емдеуге, жалпы, тұрғындарға сапалы медициналық қызмет көрсетуге жан-жақты мүмкіндіктер тууда. Олай болса, соңғы 5 жыл бедерінде сырбойылықтар саулығын сақтаудағы сала жетістіктерін тарқатсақ...

Қызылорда облысы бойынша ҚАЖ департаменті ЗК-169/5 мекемесінің Сотталғандар арасында тәрбие жұмысын жүргізу бөлімінің теологиялық оңалту тобының ұйымдастыруымен мекемедегі жаза мерзімін өтеуші азаматтарға Н.Бекежанов атындағы Қызылорда облыстық музыкалық-драма театры директорының орынбасары Ә.Н.Қожахметұлы бастаған театр әртістері «Заман-ай» атты қойылымдарын ұсынды.

Кеше облыс әкімі Қырымбек Көшербаев жұмыс сапарымен Арал ауданында болды. Сапар барысында аймақ басшысы аудандық №3 өрт сөндіру мекемесінің жаңа ғимаратының ашылу салтанатына және «Туған жерге тағзым» акциясы аясында өткен меморандумға қол қою рәсімі мен аудан әкімінің есеп беру жиынына қатысты.

Елбасы Жарлығына сәйкес барлық деңгейдегі әкімдердің халық алдында есеп беру кездесуі кеше Қазалыда жалғасты. Оған облыс әкімі Қырымбек Көшербаев, ҚР Президенті Әкімшілігінің мемлекеттік инспекторы Нұрлан Тілешов, облыстық және аудандық мәслихат депутаттары, басқарма басшылары, аудан активі мен тұрғындары қатысты. Аудан әкімі Мұрат Ергешбаев өткен жылы атқарылған жұмыстарды саралай келе, алдағы міндеттерге тоқталды. 

Мейірім иманнан туындайды. Мейірім көрсетпегеннің мейірімге қауышпайтыны да белгілі. Бұл бағытта аймақтағы мешіт ұжымдары қиын жағдайға қалған тұрғындарға қол ұшын созып, қайырымдылық көрсетуді дәстүрге айналдырған.

Өңірлік  коммуникациялар қызметінде облыс әкімінің орынбасары Серік Қожаниязов өткен жылдың қорытындысы, ­Елбасы Жолдауынан туындайтын  алдағы міндеттер туралы БАҚ  өкілдеріне арналған брифинг өткізді.

Өткен жылы аудан бойынша экономиканың түрлі саласында 1128 жаңа жұмыс орындары ашылды. Оның 978-і тұрақты. Нәтижесінде жұмыссыздық деңгейі 5,1 пайыздан, 5 пайызға төмендеді.

Қазір Қазалы ауданы халқының 26 пайызы жастар. Өткен жылы NEET санатына жататын жастардың саны 259 жасқа азайды.

Алматы қаласында жасөспірімдер арасында мәнерлеп сырғанаудан өткен «Ice Tiger» халықаралық турнирінде облыс командасы табысты өнер көрсетті. Сегіз елден 350 спортшы қатысқан дүбірлі жарыста жерлестеріміз жүлделермен оралды.

Тараз қаласында самбодан 2000-2002 жылдары туған жасөспірімдер арасында өткен Қазақстан чемпионатында Сыр спортшылары мойындарына 11 медаль тақты. Жерлестеріміз 5 алтын, 2 күміс, 4 қоламен жалпыкомандалық есепте екінші орынды еншіледі.