Сыр бойы

 

Шиелі ауданындағы ірі шаруашылықтың бірі – Ақмая шаруа қожалығы егін орағын асқан ұйымшылдықпен өткеруде. Биылғы шаруашылық жылында Ақмая 1400 гектар жерге күріш дақылын орналастырса, оның әрқайсысынан орташа 71 центнерден өнім келтіріп, Шиелі ауданы бойынша чемпион атанды, арнайы сыйлықпен марапатталды.

Облыс әкімі Қырымбек Көшербаев «Жастар ресурстық орталығы» КММ-де болып, жыл басынан бері атқарылған жұмыстармен танысты.

Өңірлік коммуникациялар қызметінде облыс әкімінің орынбасары Евгений Ким  жылдың 9 айында атқарылған жұмыстар қорытындысымен журналистерге арнап брифинг өткізді. Алдымен кәсіпкерлік және туризм саласының аяқалысын сөз еткен хабарламашы шағын және орта бизнес субъектілерінің саны  артқанын айтты.

  – Қазан айы жақсы жаңалықтар мен сәттіліктерге толы болды. Елбасы Сыр өңірінде жұмыс сапарымен болып, атқарылып жатқан жұмыстарға ризашылығын білдіріп, аймақтың әлеуметтік-экономикалық дамуына оң бағасын берді, – деді облыс әкімі Қырымбек Көшербаев облыстық мәслихаттың кезекті 15-сессиясының басында депутаттарға арналған сөзінде.

Сейсенбі күні облыс әкімі Қырымбек Көшербаевтың төрағалығымен жиын өтіп, онда аймақта тоғыз айда атқарылған жұмыстар сараланды.

 

Қызылорда облысы Төтенше жағдайлар департаменті және аудандық Төтенше жағдайлар бөлімі тарапынан Қызылорда облысы аумағында «Жас құтқарушы» клубы (үйірмесі) құрылып, көптеген игі істер атқарып келе жатыр. Бұл үйірменің мақсаты оқушылар арасында бұқаралық құтқарушылар жұмыстарын жандандыру, өскелең ұрпақты отансүйгіштікке тәрбиелеу, құтқарушы тәсілдері арқылы салауатты өмір салтының дағдыларын қалыптастыру болып табылады. Балалар мен жастарды қолданбалы спорт түрімен шұғылдануға тарту, сондай-ақ жасөспірімдерді әскери-патриоттық тәрбиелеуді насихаттау мақсатында жергілікті жердегі әр мектептің директорларымен келісе отырып, жас құтқарушы үйірмелері құрылып, ауқымды жұмыстар атқаруда.

Қызылорда облысы Төтенше жағдайлар департаментінің бастығы азаматтық қорғау полковнигі О.Бержанов №1 мамандандырылған өрт сөндіру бөлімінің аумағында қысқы киімге көшуіне орай қызметкерлердің дайындығын анықтау үшін саптық байқау өткізді. Саптық байқау барысында сыртқы түрі, нысандық киім кию тәртібі, жетондар мен қызметтік куәліктер тексерілді. Азаматтық қорғау қызметкерлердің саптық түзеуге және саптық жарғының негізгі ережелерін білуге ерекше назар аударылды.

Қарапайым қойшының бүкіл ғұмырын өзіне сыйдырған ғажайып сәтті, әкелерінің аты бәйгеден келгенде қуаныштан ебіл-дебіл болып жүгірген он баласының қуанышын уақыттың уысынан ұстап алу тек көзмерген фототілшілерге бұйырған. Қызылордалық әріптесіміздің қоржынындағы сырлы суреттерде есеп жоқ. Зымырап өтіп жатқан күндерге есесін жібермей жұмыс істеген фотографтың кей дүниелері бір қара беріп қалап алатындай құнды екенін мойындау ләзім.