Сыр бойы

2 тамыздан бастап Қызылорда қаласындағы қоғамдық көліктер жолақысы 70 теңгеден 90 теңгеге қымбаттады. Бұл шешім Қызылорда қалалық мәслихат депутаттарының сессиясында қабылданған.

Жуырда республикалық «Деловая неделя» газетінің Өзбекстандағы меншікті тілшісі Нигора Юлдашева Ташкенттен былай деп хабарлады: «Өзбекстанда елдің жаңа президенті Шавкат Мирзиеевтің пәрменімен халықтың коммуналдық ақы берешегімен жаппай күрес басталған».

Әлемдік сарапшылардың пікірінше, Ресей Федерациясы 2017 жылдың екінші жартысында мұнай өндіруді қысқартуға мүдделі. Өйтпеген жағдайда рынокта мұнай бағасы барреліне 40 долларға дейін түсіп кетуі ықтимал. Ал мұндай баға Ресейдің бюджетін қалыптастыруға кері әсерін тигізеді.

Оңтүстік Америкадағы Венесуэла міне, үш жылдан бері дағдарыс шылауынан арыла алмайтын халге жетті. Халықаралық агенттік сарапшыларының пікірінше, 2014 жылдан басталған «қара алтын» рыногындағы дағдарыс елді барынша күйзеліске әкелетін сыңайы бар. Себебі, Венесуэланың бюджеті бірыңғай мұнай бағасына тәуелді.

Қызылорда облысы Жалағаш ауданындағы Мырзабай ахун мазарынан 19-ғасырдағы көне Құран табылды, деп хабарлайды Baq.kz агенттігінің өңірдегі тілшісі.

«Қазгидромет» республикалық мемлекеттік кәсіпорны Қызылорда гидрометеорология орталығы хабарлауынша, 2-3 тамызда, 4 тамыз түнде Қызылорда облысының кей жерлерінде найзағай, бұршақ, дауыл, солтүстік-шығыстан, шығыстан 15-20 м/с, 3 тамызда екпіні 25 м/с жел күтіледі. Осыған байланысты, Қызылорда облысы Төтенше жағдайлар департаменті облыс тұрғындары мен қонақтарына қауіпсіздікті сақтау шараларына баса назар аударуын ескертеді.

Қызылордадағы оңалту орталығында емделіп жатқан мүмкіндігі шектеулі азаматтар уақыттарын бос өткізбей, кәсіппен айналысудың қыр-сырын меңгергісі келеді. Аталмыш азаматтардың өтінішін ескере келе Кәсіпкерлер палатасы орталықта «Бизнес-кеңесші» оқыту курсын өткізді, деп хабарлады облыстық кәсіпкерлер палатасының баспасөз қызметі.

Облыста тоғыз жыл қатарын[spoiler]ан дәстүрлі түрде 1 тамыз бен 30 қырқүйек аралығында өтетін «Мектепке жол» республикалық акциясы басталды.

РФ Хабаровск өлкесінің Николаевский ауданынан  10,3 келі саф алтын табылды, деп хабарлады өңірдің табиғат ресурстары министрлігі.

Иордания 2020 жылға қарай жаңармалы энергия көздерінен алынатын қуатты 20% арттыруды көздеп отыр. Бұл жайлы ЭКСПО-2017 Халықаралық мамандандырылған көрмесі аясында Иорданияның Ұлттық Күнін тойлау барысында  Иордания Хашемит Корольдігінің Қазақстан Республикасындағы Төтенше және өкілетті хатшысы Ахмад Идрис Еннаб мәлімдеді. Өз сөзінде ол Иордания энергетика секторын әртараптандыру саласында қыруар жұмыстарды атқарып жатқанын және энергетикалық тәуелсіздікті арттыру үшін бар күш жұмсап жатқанын айтты.