Сыр бойы

ЭКСПО көрмесі ашылғалы бері көрушілердің қарасы күн санап көбейіп келеді. Жақсыны көрмекке деп, көрмеде орналасқан павильондарды тамашалауға баратын көрермен халыққа пайдасы тиер деген ниетпен төмендегі кеңестерді ұсынып отырмыз.

«ЭКСПО-2017» халықаралық көрмесінде Оңтүстік Корея павильоны салтанатты түрде ашылды. Ашылу рәсіміне Оңтүстік Кореяның Қазақстандағы төтенше және өкілетті елшісі және аталмыш павильонның комиссары Ким Дэ Шик, КОТРА директоры Ким Дже Хонг және тағы басқа қонақтар қатысты.

Халықаралық көрмеде Өзбекстан павильоны өзгелерден ерекшеленіп тұр. Өйткені, шығыстық бояуы қанық өзбектер сан түрлі оюмен өрнектелген, тігісі жатық, тоқуы келіскен кілемдер мен дәмі тіл үйіретін тәттілерімен-ақ қонақтарын баурап алған. Мұнда заманауи технологиялармен арнайы өсірілген көкөністер көздің жауын алады. Ал ең бастысы – күн сәулесімен және электр қуатымен жүретін көліктері келушілерді таңдай қақтырды.

Қазақ он үш жас отау иесі деп, ат жалын тартқан, марғасқа, ақыл мен есі толысқан азаматты айтады. Бұл ендігі әр кезеңге сай айтылған сөз. Өйткені дәл қазіргі уақытта он үш жасар баланы отау иесі деп айта алмайсыз. Олардың жетілуі мен қалыптасуы тегіндегі бабалардың кезіндей емес. Дегенмен жиырма жастан асқаннан кейін жігіттердің үйленгені жөн.

Қызылорда облысының жастар саясаты мәселелері басқармасының ұйымдастыруымен 2017 жылдың 9-11 маусым аралығында Жаңақорған ауданында «Zhastar Camp Qyzylorda – 2017» облыстық оқу семинары өтті.

Қызылордалық кәсіпкер Сейдіғазы Әлібаев тамшылатып суару тәсілімен алма бағын өсіруде, деп хабарлайды Baq.kz порталының өңірдегі тілшісі.

Сырдария ауданы әкімі Ғанибек Қазантаев аудандық ардагерлер кеңесінің төрағасы, «Сырдария ауданының Құрметті азаматы» Хайролла Әбенұлын қабылдап, 80 жылдық мерейтойымен құттықтады.

Киевтен Астанаға қолдан тігілген 30 метрлік орамал әкелінді. Рекордты ұзындықтағы шәліні мамандар арнайы «ЭКСПО» кезінде өтетін Ұлттық күн үшін дайындапты. Сонымен қатар бұл шараға украиналық қонақтардың алғашқы легі де келе бастады.

Астанада 100-ден астам шебердің бұйымдары қойылған «Шебер-Керуен» қолөнершілер жәрмеңкесі өтіп жатыр. Әншейінде халық көп жүретін «Керуен» сауда орталығы бұл жолы да лықа толды. Осы күні сәнге айналған заманауи ұлттық нақыштағы киім топтамалары мен қыз-келіншектердің алуан түрлі сәндік әшекейлері көздің жауын ала, қаз-қатар тізіліскен.

Тереңөзек кентінің орталық алаңда «ЭКСПО-2017» көрмесін насихаттау мақсатында аудан тұрғындарына арналып, мерекелік концерт ұйымдастырылды. Мерекелік концертті «Нұр Отан» партиясы аудандық филиалы төрағасының бірінші орынбасары Марат Омаров, «Жас Отан» жастар қанаты Қызылорда облыстық филиалының директоры Абылайхан Сабанбаев ашып, тұрғындарға «ЭКСПО-2017» көрмесінің ауқымдылығы жөнінде ақпараттар берді. Сонымен қатар аудан, облыс көлемінде аталмыш көрмеге байланысты жасалып жатқан жұмыстарға тоқталды.