Сыр бойы

Футболдан Қазақстан премьер лигасының кезекті ойыны Жамбыл облысында жалғасын тапты. Үшінші кезеңнің алғашқы ойынында жергілікті «Тараз» алматылық «Қайратты» қабылдады. Ойынның 2 таймында да «Қайрат» басымдық танытып, шабуылды жиелетті. 

Қорқыт ата атындағы Қызылорда мемлекеттік университетінің Студенттер сарайында елімізде қолға алынатын міндетті әлеуметтік медициналық сақтандыру жүйесін түсіндіруге арналған дөңгелек үстел отырысы өтті. 

Қазақстан Республикасының «Жеке және заңды тұлғалардың өтініштерін қарау тәртібі туралы» Заңына сәйкес, жеке және заңды тұлғалардың өтініштерін қарау тәртібі ҚР Конституциясына негізделеді. Аталған заңның аясы ҚР әкімшілік құқықбұзушылық, қылмыстық-процессуалды, азаматтық-процессуалды заңнамасында қарастыру тәртібі көзделген  жеке және заңды тұлғалардың өтініштеріне қолданылмайды.    

Біздің ауданда, әсіресе, құм өңірінде – италиялық прус шегірткесі кең таралған. Олардың дәнді-дақылдарды, көкөністер мен бау-бақшаларды, жайылымдықтар мен шабындықтарды отайтыны баршаға белгілі. Шегіртке зиянкестері күн ыстықтаған сайын өсімдіктерден мол ылғал алу үшін онымен көп қоректенеді. Шегіртке дернәсілдері топырақтың беткі қабаты қызғанда ғана жер бетіне шығады. Жер бетіне шыққан дернәсілдері ересек шегірткеге ұқсас келеді, тек қанаты болмайды. Дернәсілдердің даму сатысы 30-40 күнге созылып, ересек қанатты шегірткеге айналады. Даму кезінде дернәсіл 4-5 рет түлеп, 4-5 жастан өтеді. Жандануы кезінде олар үйірленіп, олардың саны бір шаршы метрде жүз және одан да көп болады. Үйірлі шегірткелердің сандары көбейген кезде, алғашқыда дернәсілдердің жиынтығы, кейін олардан шегіртке үйірлері пайда болады. Жылына бір рет ұрпақ береді.

Көркемсурет галереясы мен Арал қорғау қоры «Ертегі кейіпкерлерін саламыз» атты мүмкіндігі шектеулі жас суретшілер арасында байқау ұйымдастырды. 

Тасбөгет қыстағындағы Бас тоған имаратының 2-ші насосты су көтеру станциясынан «Южный» м/а орналасқан ауыз су жүйесінің ауыстыру камерасына дейінгі (д-550мм) су өткізу құбырының қайта жаңғырту жұмыстарының аяқталуына орай, 2017 жылдғы 29 наурызда кешкі сағат 23:00- ден бастап, 30 наурыз таңғы 06:00-ге дейін, мердігер мекеме «Мелиоратор» ЖШС-мен қайта қосу жұмыстары жүргізіледі.

Қашанда төл өнерін ұлық тұтатын Қазалыда ерекше сайыс өткізілді. Ұлттық қол өнеріміздің көркемдік ерекшелігінің негізі болып саналатын ежелгі салт-дәстүріміздің бірегейі – киіз басу екені баршаға аян. Аттың жалы, түйенің қомында шыңдалған ата-бабамыз киізден тұрмысқа қажетті әртүрлі бұйымдар жасаумен қатар оған оюлап өрнек салып, қазақы нақышпен әрлеп ерекше сәнді көздің жауын алатындай  текемет бұйымдарын жасағанын аға буын жақсы біледі. Өкінішке қарай,  қазіргі таңда мұндай текеметтер топтамасы тек мұражайларда ғана сақталуда.

Аудандық мәдениет және тілдерді дамыту бөлімі мен мәдениет орталығының ұйымдастыруымен «Таланттарды табу және оны тәрбиелеудегі үйірме жетекшілерінің міндеті туралы» тақырыбындағы семинар-кеңес өтті. Көркемөнерпаздар үйірмелерінің жұмысына бағыт-бағдар бере отырып үйірме жетекшілерінің шеберліктерін шыңдау мен біліктілігін арттыру және оларға көмек көрсету мақсатындағы жиынға барлық ауылдық мәдениет үйлері мен клуб қызметкерлері қатысты. 

Қызылорда қалалық мамандандырылған әкімшілік сотында жыл басынан бері кәмелетке толмағандарға қатысты 33 іс қаралып, оның біреуіне айыппұл салынса, қалғандары әкімшілік құқық бұзушылық кодексінің 68-бабына сәйкес әкімшілік жауаптылықтан босатылып, іс жүргізу тоқтатылды. Істерді іріктеп тексерудің нәтижесі бұл санат бойынша соттардың тәжірибесі қалыптасқанын көрсетті.

Қызылорда облысының энергетика және тұрғын үй-коммуналдық шаруашылық басқармасы қазіргі таңда Қызылорда қаласындағы көше бойындағы газ тарату жүйесіне енгізілмей қалған жеке тұрғын үй секторларының учаскелеріне дейін газ құбырын жүргізу (ақ дақтар) мақсатында  газдандырылмаған тұрғын үйлердің тізімдері нақтылауда.