Сыр бойы

2016 жылы барлық қаржы көздерінен 543,7 мың шаршы метр тұрғын үй пайдалануға берілді, бұл 2015 жылмен салыстырғанда 16,7 пайызға артық. Тек мемлекет қаржысы есебінен 2016 жылы 36 көпқабатты тұрғын үй пайдалануға берілді. 1864 отбасы жаңа ыңғайлы пәтерлерге ие болды. Өткен жылдың өзінде Қызылорда қаласында бір мезетте 4115 пәтерлік 80 көппәтерлік тұрғын үйдің құрылысы жүргізілді, бұл 2015 жылға қарағанда  2 есеге көп.

ҚМДБ-ның Қызылорда облысы бойынша өкілдігі, орталық «Ақмешіт-Сырдария» мешітінің бастамасымен Арал аудандық мешіті жылдық жоспарға сәйкес ауданға қарасты ауыл имамдарына арналған арнайы дәріс өткізді.

Ә.Тәжібаев атындағы кітапханада Ә.Тәжібаев шығармаларын кеңінен насихаттау, ақынның еңбегі мен ол туралы естеліктерге шолу жасап өмір жолы мен өнер жолынан ғибрат алу, өскелең ұрпақты отаншылдық сезімге, патриоттық рухқа дағдыландыру, эстетикалық тәрбие беру, ұлттық мәдени мұрамызды құрметтеуге, білімді әрі өнегелі болуға тәрбиелеу мақсатында шара ұйымдастырылды.

Белгілі боксшы, Олимпиада ойындарының чемпионы Бақтияр Артаев басқаратын «Тарлан Батырлары» ЖШС Қызылордадағы «Тарлан» дене шынықтыру-сауықтыру кешеніне сервистік қызмет көрсететін болды. Бүгін облыс әкімдігіндегі жиында тараптар осыған уағдаласты. 

Қызылорда облысы Төтенше жағдайлар департаментінің бастығы азаматтық қорғау полковнигі О.Бержанов өрт сөндіру қызметінің қызметкерлерін   «Мінсіз қызметі үшін» ІІ, ІІІ дәрежелі медалімен марапаттады.

Бүгін облыс әкімінің орынбасары Қуанышбек Ысқақовтың және қоғамдық кеңес мүшелері мен қала тұрғындарының қатысуымен жалақыға қарыз мекемелерден жұмысшылардың еңбекақыларын өндіру және жұмыссыздарды жұмыспен қамту мәселелеріне арналған қоғамдық тыңдау өтті.

Өңірлік коммуникация қызметінде облыстық мәслихат депутаты, Қызылорда қоғамдық телерадио-компаниясының құрылтайшысы Шәкизада Әбдікәрімов билік тармақтары арасындағы өкілеттіктерін қайта құру мәселелері жөніндегі Үндеуіне пікір қосып, баспасөз-конференциясын өткізді.

САРАТС-1 жобасын жүзеге асыру нәтижесінде соңғы 4 жылда балық аулау 65%-ға көбейді. 2016 жылы облыс бойынша ауланған балық көлемі 7883 тоннаны құрады (Кіші Арал теңізінен 7106 тонна ауланды). Облыста жылдық қуаттылығы 11 мың тонна болатын 8 балық өңдеу зауыты жұмыс істейді. Бұл 500-ден астам адамды тұрақты жұмыспен қамтуға мүмкіндік беруде.

2016 жылы ауыл шаруашылығының жалпы өнімі 79 млрд. теңгені құрады немесе өсім 7,3% болды. Салаға тартылған инвестиция 2,3 есеге артып, 3,8 млрд теңгені құрады.

Біз еліміздегі тыныштық пен тұрақтылық, экономикалық даму, ұлтаралық татулық-осының бәрі Елбасымыз Нұрсұлтан Әбішұлының сындарлы саясатының жемісі деп білеміз.