Сыр бойы

9-14 қыркүйек аралығында Қызылорда қаласының «Автомобилист», Алматының «Қайрат» шеберлер командасының ардагер ойыншысы, Сыр футболының түлегі  Сұлтан Әбеновтың жүлдесі үшін футболдан 2005 жылы туылған  жасөспірімдер арасында республикалық турнир өтеді.

«Егінші – мәрт, жер – жомарт» демекші, Сырдария ауданындағы киелі Қалжан ахун ауылында орналасқан «Бақ» шаруа қожалығының күріштігіне орақ түсті. Берекелі күз айы диқаншы қауымның ала жаздайғы еңбегінің нәтижесін таразылап, құт қамбаға құйылатын алтын астықтың еселеп артуына жол ашпақшы. Егінші мәрт дегенде, ең алдымен ауызға іскер азамат, белсенді өндіріс басшысы Алдаберген Құлбаев ағамыздың есімі ілінеді.

Берекелі күздің егіс даласын дүбірге бөлеп, қырманды қызылға толтырар сәтті асыға күткен жалағаштық егіншілер Сыр маржанын жинауға құлшына кірісіп кетті.

Ә.Тәжібаев атындағы облыстық ғылыми әмбебап кітапханасында «Консенсус» қоғамдық қорының ұй­ым­дастыруымен «Мемлекеттік қыз­меттің қазақстандық моделі және қызметтік әдеп ережелері» ғылыми-тәжірбиелік конференция болып өтті.

Азаттықтың самалымен тыныстап, еркіндікте өмір сүргенімізге биыл ширек ғасыр толады. Осы ұлы мерекеге орай, Мемлекет басшысының тапсырмасымен еліміздің бас қаласы – Астанада «Қуатты өңір – Қуатты Қазақстан» тақырыбымен облыс­тардың күндерін өткізу шарасы белгіленді. Ел Тәуелсіздігінің 25 жылдық меретойына арналған бұл думанды шара қыркүйек пен қараша айларында өтеді. Арқа төріндегі ару шаһардағы өңірлердің күндерін кешегі сенбі-жексенбіде Қызылорда облысы бастады. Астанаға қызылордалық делегацияны облыс әкімі Қырымбек Көшербаев бастап барды.

Қызылорда облысының кәсіпкерлер палатасының алаңында жеке мектепке дейінгі мекеме басшылары мен құрылтайшыларына жергілікті атқарушы орган өкілдерінің қатысуымен құқықтық түсіндірме жұмыстары жүргізілді, деп хабарлайды облыстық кәсіпкерлік палатасының баспасөз қызметі.

Шиелі ауданының қазыналы қарттары көпшілікке саламатты өмір салтын сақтау үлгісін көрсетіп келеді, деп хабарлайды Шиелі ауданының әкімдігі. Мәселен жыл сайын өткізілетін дәстүрлі шараларының бірі дойбы ойыны.