Сыр бойы

Қорқыт Ата атындағы Қызылорда мемлекеттік университетінде «Қазақстан халқы Ассамблеясы» кафедрасы ашылды, деп хабарлайды облыс әкімінің баспасөз қызметі.

Қызылорда қаласында бюджеттен бөлінген қаржының үштен бір бөлігі коммуналдық шаруашылық саласына бағытталған. Бұл жөнінде облыс әкімінің төрағалығымен өткен Қызылорда қаласының перспективалық даму мәселелері туралы мәжілісте қала әкімі Нұрлыбек Нәлібаев айтты, деп хабарлайды қалалық ішкі саясат бөлімі.

Бүгінде кешегіден мысал келтірсең, кеңестік кезеңді аңсаған адам болып шыға келетінің анық. Бірақ өз иделогиясын баспасөз арқылы жүргізудің кеңестік жүйесінің мықты болғанын мойындамасқа лаж жоқ. Ол тұста басылымға жазылмайтын отбасы жоқтың қасы еді. Әр шаңыраққа кемінде 5 газет, 2 журнал тұрақты барып тұратын.

«ПетроҚазақстан» компаниясының стипендиялық бағдарламасы негізінде үстіміздегі жылы оқу бітіріп шыққан мұнай кәсіпшілігі саласындағы жас мамандарды жергілікті жұртшылық ерекше қуанышпен қарсы алды. Облыс әкімдігінің қолдауымен қолға алынған бағдарлама биыл осылайша мерейтойлық саналып отыр. Осыған байланысты «Номад Палас» қонақүйінің мейрамханасында салтанатты іс-шара болып өтті. Онда «ПҚҚР» АҚ-ның басшылығы түлектерді құттықтады және үстіміздегі жылдың жаңадан оқуға түскен атаулы стипендия иегерлеріне тілектер айтылды.

Сіздерді 10-14 қыркүйек аралығында өтетін Сыр елінің тумасы, қазақ өнерінің асыл анасы Сәбира Майқанованың 100 жылдығына арналған Қазақстан театрларының XXII республикалық фестиваліне шақырамыз!

Футболдан Премьер-лига командалары арасындағы ел біріншілігінде екі апталық үзіліс жарияланды. Биылғы доп додасының екінші кезеңін Қызылорданың «Қайсары» сәтті бастады. Ойындарды сыртта өткізгеніне қарамастан, жерлестеріміз бұл сапарынан төрт ұпайды қоржынға салды.

Қазалыдағы білім беру қызметкерлерінің тамыз кеңесі №266 мектеп-лицейде өткізілді. Аудандық білім бөлімінің басшысы Ерболат Қалнияз өзінің хабарламасында өткен оқу жылындағы жетістіктермен қатар кемшін тұстарды да ашып көрсетті. Аудан бойынша 40 мектеп жұмыс істейді. Республикалық олимпиадаларда жеңімпаз атанып, грант иеленген шәкірттер баршылық. №266, 249 мектеп-лицейдің шәкірттері Мәскеудегі ұлттық технологиялық зерттеу университетіне сынаққа қатысып, грантпен оқуға түсті.

Жуырда "Нұр Отан” партиясы облыстық филиалының мәжіліс залында "Бүгінгінің шешімі – болашақтың есігі” тақырыбында партиялық жобаларды жүзеге асырудың аймақтық жиыны болып өтті. Оған қалалық, аудандық партия филиалдарының жетекшілері мен бастауыш партия ұйымдары мүшелері және БАҚ өкілдері қатысты.

Кеше облыс әкімі Қырымбек Көшербаев Қызылорда қаласындағы жөндеу жұмыстары жүргізіліп жатқан бірқатар нысандарды аралап, жұмыс барысымен танысты және қала әкімдігінде өткен мәжіліске қатысты.