Сыр бойы

Бейсенбіде «Әзіл әлемі» театрының актері Қанат Әлжаппаров Н.Бекежанов атындағы театрда жеке концертін берді. Туған жерінде тұңғыш рет думанды кешін өткізіп отырған Қанат елінің ықыласына бөлініп, батасын алды. 

Қызылордада жолды кесіп өтпек болған жаяу жүргіншіні қағып кеткені үшін азамат көлік жүргізу құқығынан айырылды. Бұл туралы қалалық мамандандырылған әкімшілік соттың баспасөз қызметі хабарлады. 

Білім күні қарсаңында «Қазақстан Халық Банкі» АҚ Қызылорда облыстық филиалы балаларға қамқорлық көрсетті. Банк ұжымы қаладағы №1 жетім және ата-анасының қамқорлығынсыз қалған мектеп-интернаты мен №7 арнайы түзету мектеп-интернатының балаларына кезекті рет сый-сияпат жасады. Филиал директорының орынбасары Уәлихан Абдихаимов банк ұжымы атынан барша бүлдіршіндерді Білім күнімен құттықтап, мектепке қажетті киім-кешектер мен оқу құралдарын табыстады.

Облыстық ауыл шаруашылығы басқармасының ақпараттық-маркетингтік жүйесі арқылы күнделікті негізгі азық-түлік өнімдерінің бағаларына мониторинг жүргізіліп отыр. Жүргізілген мониторингтің нәтижесінде бүгінгі күні ең арзан өнімдерді облыс аудандары мен Қызылорда қаласының төмендегі сауда үйлері мен базарларынан алуға болатындығын хабарлаймыз.

Отбасы тәрбиесінен тыс қалған жеткіншектер мен тұрмысы төмен, көп балалы отбасы балаларын қамқорлыққа алып, қолдау көрсету мақсатында Елбасының тапсырмасынан бастау алған «Мектепке жол» акциясын ұйымдастыру елімізде дәстүрге айналып келеді.

Журналистік іс-сапармен Қар­мақ­шы ауданына жолымыз түсті. Әдеттегідей, дәстүрлі жолдан аттамай, аудан әкіміне жолығуды, сапарымыздың мақсатынан хабардар етуді жөн көрдік. Нәжмадин Шамұратов ауданның бі­лім қызмет­кер­лерінің тамыз мәсли­хатына қызу дайындалып жатқанының куәсі болдық. Өңірде талқылайтын мәселе көп. Ол әрбір түйінді түйткілдерді електен өткізіп, сала бойынша орынбасарларына тиісті тапсырмаларды шұғыл беріп жатты. Уақыттың соншалықты тапшы екенін байқадым. Әңгімені кешкілік, күнделікті абыр-сабырдың саябырлаған сәтінде жалғастыруды қолайлы көрдік.Сол күні кешкілік тағы кездестік. Осы сәтте Қытайдан біздің кездесуіміздің символикалық дәнекеріндей болған қуанышты хабар келіп жетті.

Қызылорда облысында азық-түлік бағалары республиканың орташа көрсеткішімен салыс­тырғанда біршама арзан. Жалпы 8 айда аймақтың бірқатар макроэкономикалық көрсеткіштер бойынша өсу тенденциясы байқалуда.

Бейсенбіде облыс әкімдігінің мәжіліс залында Батыс және Орталық Азия елдері мүшелігімен құрылған Күріш ғылымын зерттеу және Білім тарату орталығының кезекті ІІІ мәжілісі өтті.

Атақты Александр Затаевич біздің мына көсіліп жатқан ұлан-ғайыр жерімізге қарап тұрып: «Бүкіл қазақ даласы ән салып тұрғандай», деп тамсаныпты ғой заманында. Қазақ жерінің селеуі мен жусанынан жыр ескендей, сылдыраған суынан күй төгілгендей әсер етсе керек өнер зерттеушісіне. Ұлттың ұлы ұстазы Абайдың өзі «Туғанда дүние есігін ашады өлең, Өлеңмен жер қойнына кірер денең», демеп пе еді?! Бесік жырымен тербеліп бас­талатын өмір дариясы жоқтаумен аяқталатыны ақиқат қой. Сондықтан қазақтың өмірі өлеңмен өте тығыз байланысты десек, артық айтқандық болмас. Тіпті, тұтас бір отбасы өнерпаз болып жатады. Мысалы, өткен ғасырда отбасылық ансамбльдер көп шықты. Солардың бірі – Тоқаяқовтар шаңырағы.

Елбасымыз осыдан алты жыл бұрын «Электр энергиясын барлық жерде бірдей үнемдеуге біздің кәсіпорындарымыз бен азаматтарымыз әлі кірісе қойған жоқ. Арзан энергияның сарқыла бастағанын ашық айтуға тиіспіз. Аз төлегіміз келсе, көп үнемдеу керек. Бұл әркімнің өз қамы болуы қажет» деген болатын. Содан бері үнем деген үлкен мәселені шешудің жолдары қарастырылуда. Бұл күндері Сыр өңірінде де баламалы энергия көздерін дамыту және электр энергиясының ысырабына жол бермеу бағытында тиянақты әрі табысты жұмыстар жүргізіліп жатыр. Осы аптаның бейсенбісінде де мамандар осы мәселені талқылады. Жиынға облыс әкімінің орынбасары Ғалым Әміреев те қатысты.