Сыр бойы

Келісті де келбетті Баһан қария шежіренің қоймасы іспетті. Бір әңгіменің шетін суыртпақтап шығарсаңыз, көңілі келсе, әрі қарай өзі тарқатып алып кете берер. «Көп жасағаннан сұрама, көпті көргеннен сұра» дейтін  ілгергілердің тәмсілін еске алсаңыз да, көп жасағандығына сүйенсеңіз де жаңылыспайсыз. Негізі көргені де, түйгені де көп кісі болғаны. Жаратушының берген байлығы шығар, биыл бірі кем тоқсан жасқа келсе де тізесі дірілден, көзі іріңнен аман. Сөзі тетік, ісі нық, балаларына әлі күнге жөн-жоба көрсетіп, ақыл қосып отырады. Сәлемдесе келе әңгіме ауанын Ұлы Отан соғысы жылдарындағы отандық борышын атқару кезеңіне қарай ойыстырдық. 

Сейсенбi күні облыс әкімі Қырымбек Көшербаевтың төрағалығымен облыс әкімдігінің кеңейтілген мәжілісі өтіп, онда аймақтың тыныс-тіршілігіне тікелей байланысты бірқатар мәселелер қаралды.

Қызылордалық 1-ші топ мүгедегі Ғалым Жұманов «Бизнестің жол картасы-2020» бағдарламасы аясында үшжақты кепілдендіру келісім-шартына қол қойды.

Денсаулық сақтауды дамыту республикалық орталығы денсаулық сақтаудың даму деңгейі бойынша өңірлердегі медициналық ұйымдардың жұмыстарын бағалады. Орталық мамандары еліміздің барлық өңірінде жасалған іс-шараларды таразылай отырып, бұл бағытта жергілікті жерлерде қандай деңгейде әрекеттер жүзеге асқанын бағамдады.

Сейсенбiде облыс әкімі Қырымбек Көшербаевтың қатысуымен облыстық мәслихаттың  кезектен тыс 26 сессиясы өтіп, онда 2014-2016 жылдарға арналған облыстық бюджетке өзгерістер мен толықтырулар енгізілді. Сессияға депутат А.Оңғарбаев төрағалық етті. Толықтырулар туралы біріккен отырыста жан-жақты талқыланғандықтан, шешім қабылданды. 

ІІІ "Байқоңыр” инвестициялық форумының алғашқы бөлігі кеше Қармақшы ауданы территориясындағы "Қорқыт ата” мемориалдық кешені мен Байқоңыр қаласынан бастау алды. «Қызылорда облысындағы туризмнің дамуы» тақырыбындағы секция отырысын ашқан облыс әкімінің орынбасары Ғалым Әміреев шетелдік елшілер мен туристік операторларға аймағымыздағы туризмнің болашағы туралы айтып берді. Басқосуда ежелден Жер кіндігі саналып келген Байқоңыр кешенінің туристік әлеуеті таразыланды. Елбасының тапсырмасымен әлемдегі ең ірі ғарыш айлағы саналатын Байқоңыр "ЭКСПО-2017” бүкіләлемдік көрмесінде көрсетілетін нысандардың қатарына кіргені белгілі. Сондықтан жиында облыстағы туризм саласын, әсіресе Байқоңыр брендін дамыту мәселесі кеңінен талқыланды.  

Кеше Қызылорда облысының әкімдігі мен "Банк ЦентрКредит” акционерлік қоғамының арасында  ІІІ "Байқоңыр” инвестициялық форумы аясында ынтымақтастық туралы Меморандумға қол қойылды.  Қол қою рәсіміне облыс әкімі Қырымбек Көшербаев пен "Банк ЦентрКредит” АҚ басқарма төрағасы Владислав Ли қатысты.

Кеше облыс әкімі Қырымбек Көшербаев III "Байқоңыр” инвестициялық форумына арнайы келген меймандарды қабылдады. 

Кешегі миллиондаған адамдардың өмірін қиып, көптеген отбасыларына қайғы-қасірет әкелген екінші дүниежүзілік соғыстың жарасы әлі жазыла қойған жоқ. Сол қасіреттің ауыр болғаны соншалық, міне, Жеңіс туының желбірегеніне 70 жылға жуық уақыт өтсе де, соғыс жаңғырығы оған қатысушылардың бауырларының, балаларының, жақын-жуықтарының құлағында әлі жаңғырып тұр. Осыдан екі жылдай уақыт бұрын Қызылорда облыстық мұрағат мекемесінің директоры Гүлсім Ақтөрееваның атына Ресейдің Челябі қаласының тұрғыны Сергей Николаевтан мына мазмұндағы хат келіп түскен еді:

Жалағаш. Ауданда "Екі ғашық, қол ұстасып" атты ғашықтар сайысы өткізілді.