Сыр бойы

Шиелі. Аудандағы «Сейітжанов» шаруа қожалығының иесі Әбдімәлік Сейтжанов қазірде 110 бас ірі қара, 70 бас жылқы, 300 бас қой-ешкі өсіріп, көбейтуде. Одан өзге, жыл сайын 150-200 гектар жерге күріш, 50 гектар жерге мақсары, 50 гектар жерге бидай егеді. 

Қармақшы. Ауданда жеке кәсіпкер Гүлбану Сәбетқызы «Жұмыспен қамту – 2020» бағдарламасы бойынша 2,5 млн теңге көлемінде несие алып, биылғы жылдан бастап «Гүлбану» тігін шеберханасына 5 адамды жұмысқа тартты. 

Жаңақорған. 2013 жылдың қорытындысымен «Дипломмен ауылға» бағдарламасы бойынша 41 маманға бір жолғы көтерме жәрдемақы үшін 4,96 млн теңге бөлінсе, 57 маманға тұрғын үй сатып алу мақсатында 147,5 млн теңге бюджеттік несие қарастырылған болатын. 

Жалағаш. Азық-түлiк бағасына аудан әкiмi Серік Сермағамбетов сауда орындарын аралап, бүгiнгi таңдағы азық-түлiк және басқа да тауар өнiмдерi бағаларының тұрақтылығына баса назар аударды. 

Қызылорда. Қала іргесінде орын тепкен Талсуат ауылында ашылған балаларды оңалту орталығында емделіп жатқан өрендердің денсаулығын жақсартуда оң нәтижелер көрініс беруде. Бұл жайында облыстық денсаулық сақтау басқармасының баспасөз қызметі хабарлады.  

Шиелі. Аудандағы орталық "Оқшы Ата" мешітіне Алла разылығы үшін демеушілерден жиналған қаржы мен азық-түліктер қайырымдылық көмек ретінде беріледі. 

Қызылорда. Үстіміздегі жылдың  24 ақпан-2 наурыз аралығында Қызылорда қаласында жастар арасында Қазақстан чемпионаты өткізіледі. Оған 11 салмақ дәрежесі бойынша еліміздің барлық облыстарынан 200-ге жуық былғары қолғап шеберлері қатысады. 

Кеше Н.Бекежанов атындағы облыстық қазақ музыкалық драма театрында облыс әкімі Қырымбек Көшербаев халық алдындағы есепті кездесуін өткізді.         Кездесуде облыс әкімі өткен жылғы әлеуметтік-экономикалық даму қорытындыларын және үстіміздегі жылы атқарылатын міндеттерді саралап берді. Әр саланың мәселесіне терең мән беріп, өз ойын тиянақты дәлел-дәйектермен жеткізген Қ.Көшербаев өңірдің өзгеше келбеті қалыптасып келе жатқанын айта келіп, Сыр халқын жарқын болашақ үшін жұмыла еңбек етуге шақырды.