Сыр бойы

Алаштың анасы атанған Сыр өңірі еңбегімен елге сыйлы, өмір жолы жас ұрпаққа өнеге болған абзал жандарға кенде емес. Солардың бірі – №115 негізгі мектеп директоры, «Қазақстан Республикасы білім беру ісінің үздігі» Романқұлов Совет Өміртайұлы ұстаз деген ұлы сөзге лайық шәкірттерінің сүйіспеншілігіне, әріптестерінің құрметіне бөленіп жүрген жан. «Маған жақсы мұғалім бәрінен де қымбат, өйткені мұғалім – мектептің жүрегі» деп Ыбырай Алтынсарин айтқандай, ұлағатты ұстаз шәкірттерінің жүрегіне білім нәрін себумен бірге жақсылыққа, ізгілікке өмірден өз орнын тауып, бақытты өмір сүруге тәрбиелеп келеді.

Өмірде екі мамандық иелері қадірлі де құрметті саналады. Олар адам жанының арашасы – ақ халатты абзал жандар, яғни дәрігерлер. Ал, екіншісі – сол адамға білім нәрін себетін, яғни сауаттандыратын ұстаздар.

Нақты кезеңде ауыл шаруашылығын дамыту жайы тұрақты күн тәртібінде тұр. Бұл төңіректе Үкімет тарапынан жасалынып жатқан жеңілдіктер аз емес. Ал мұндай жанашырлықты  көпшілікке насихаттау –баршаның парызы. Қазалыда облыс әкімінің орынбасары Рзақұл Нұртаевтың қатысуымен өткен келелі кеңесте бірқатар мәселелер талқыланды. 

Аудан әкімінің өкімімен биылғы жыл ауданда «Халықаралық Аралды құтқару қорына – 20 жыл» деп жарияланған болатын. Қордың негізгі мақсаты – халықаралық қауымдастықтың қолдауымен Арал теңізі бассейнін экологиялық сауықтыру, аймақ тұрғындарының әлеуметтік-экономикалық деңгейін көтеру мәселелері бойынша бірлескен істер мен бағдарламаларды қаржыландыру екені белгілі. Арал дағдарысы салдарымен күресті Халықаралық Аралды құтқару қоры үйлестіріп отыратынын атап кету ләзім. 

«Статистика – ғылымның ең нақтысы» – деп бағалаған екен ағылшындық ғалым. Бүгінде бұл сөзді естімедім деушілер сирек дегенмен, оны тізілген сандар тізбесі деп түсінетіндер де аз емес. Ондай адамдар сандық көрсеткіштердің мағынасын жетік білмейтіндер әрі жетістіктер мен кемшіліктерді байыпты саралай алмайтындар секілді.

Киелі Сыр  өңірінің ауыл шаруашылығы жылының «Алтын күз - 2013» мерекесі Қызылорда қаласының іргесі қаланғанына 195 жыл толуына тұспа-тұс келді. Негізгі дақыл саналатын күріштің әр гектарынан 48,8 центнерден өнім жинау бұрын-соңды болған емес. Басқа дақылдардан да жақсы өнім жиналса, мал шаруашылығында да өсім жақсы. Оған Сыр өңірінің әрбір тұрғыны қуанышты кейіпте. Толағай табысқа жетуге қанша адам аянбай еңбек етті. Сол кісілердің еңбегі лайықты бағаланып, ауыл шаруашылығы саласының 29 номинациясы бойынша анықталған еңбек озаттары Алғыс хатпен және бағалы сыйлықтармен марапатталды. Биылғы «Алтын күздің» ерекшелігі – бұрынғы еңбек ардагерлерін ұмытпай, оларға да ерекше  құрмет көрсетілуі.  Облыс басшысы  Социалистік Еңбек Ері атанған бір топ қарияларға автокөлік кілтін тапсырды. Бұл – келешек ұрпаққа үлкен өнеге.

Ауыл шаруашылығы министрлігі агроөнеркәсіп кешеніндегі мемлекеттік инспекция комитетінің ұйғарымымен Қызылорда облыстық аумақтық инспекциясы тоғыз айдың қорытындысымен үздік деп танылды. Мұндай байлам жайдан-жай жасала бермейді. Қойылған талаптар негізінде тиянақты жұмыстар атқарған аумақтық инспекция осылайша жоғары бағаланады. Аталмыш құрылымның қызмет ауқымы сан алуан. Агроөнеркәсіп кешеніндегі көптеген келелі істерді атқаруға атсалысады. Атап айтқанда, мал тұқымын асылдандыру, өсімдіктерді қорғау, өсімдіктер карантині, мемлекеттік астық инспекциясы қызметтері таразыланады. Сондай-ақ, мамандардың біліктілігін арттыру, сыбайлас жемқорлыққа қарсы күрес шараларына да мән беріледі. Осындай талаптар бойынша біздің облыстық аумақтық инспекция жоғары деңгейде іс-шараларды жүзеге асырған. Соның нәтижесінде инспекция еліміз бойынша алдыңғы қатарға шықты. Осыған орай облыстық аумақтық инспекция басшысы Бақыт Нұртазаевты әңгімеге тартқан едік. 

Қызылорда қалалық прокуратурасы өткен 9 айда қылмыстық ізге түсу органдарының экономикалық қылмыстарды анықтау бағытында жүргізген тексеру нәтижесінде жеке кәсіпкерлердің құқықтарына нұқсан келтірілгенін анықтады.

Әдетте қандай бір мемлекет  болмасын, ақша реформасы сол елдің экономикасы тұрақты дами бастаған кезеңде іске асырылатын. Ал біздің еліміздің теңге алмастыруы нағыз қиын сәттерге тап болды. Кеңестік қоғам ыдырап, ел экономикасы барлық салаларда кері кеткен тұста төл теңгені қалайда ендіру қажеттігі туды. ҚР Президенті Нұрсұлтан Назарбаевтың  Ұлттық валюта – теңгені айналымға ендіру жайындағы Жарлығы да нағыз тоқырау жылдарына тұспа-тұс келді. Бұл шешім сол замандағы қалыптасқан қиын да ауыр жағдайдан  шығудың бірден-бір дұрыс және  дер кезіндегі  жолы болып  табылды.

Бейсенбі күні баспасөз орталығында қала әкімінің орынбасары Мұрат Тілеуімбетов БАҚ өкілдеріне облыс орталығындағы жылу маусымына дайындық жұмыстары жайлы айтып берді.