Сыр бойы

  Сырдария. Өткен жылдың қараша айында аудан әкімдігі "Петро Қазақстан Құмкөл Ресорсиз" АҚ-мен келісімге келіп, екі тарап меморандумға қол қойған еді. Меморандум аясында жеті жоғарғы оқу орнында оқитын ауданымыздың аз қамтамасыз етілген отбасы балаларының оқу ақысын төлеу жөніндегі келіссөздер жүргізілді. 

  Қазалы. Ауданда индустриялды-инновациялық даму бағдарламасы жүйелі жүзеге асып келеді. 

   Арал. «Арал- Сарыбұлақ» топтық су құбырының жалпы ұзындығы 734 шақырымды құрайды. Аталмыш құбыр арқылыАралмен қоса Қазалы ауданындағы 160 мыңнан астам тұрғын ауыз су игілігін көріп келді. Сол топтық су құбырының екінші желісі бір жылда салынып пайдалануға берілді.

   Қазалы. Қазалылық ұстаз Абзал Іскендір халықаралық «Болашақ» стипендиясының иегері атанды. Енді ол әлемнің жетекші оқу орындарының бірінде білімін толықтырып қайтатын болады. Бұл жайында бізге Қазалы аудандық әкімдігінің баспасөз хатшысы Дәурен Тілеуімбетов мәлім етті.

   Қармақшы. Ауданда «Бизнестің жол картасы-2020» бағдарламасының игілігін көрген азаматтар қатары күннен-күнге көбейіп келеді. Олар тиісті қаржысына қол жеткізіп, шаруаларын дөңгелентіп алып кетті.  

   Қызылорда. Облыста мал тұқымын асылдандыру мәселесіне өз деңгейінде мән берілуде. Өткен жылы «ҚазАгро» ҰБХ» АҚ арқылы Сыр өңіріндегі 73 шаруа қожалығы  468,3 млн. теңге несиеге қол жеткізіп, оған 2644 бас сиыр және 142 бас асыл тұқымды ет бағытындағы бұқа алды. 

   Тараз қаласында каратэ-додан балалар мен жасөспірімдер арасында ел біріншілігі мәресіне жетіп, біздің облыс спортшылары 12 жүлдемен оралды. Олар барлығы 2 алтын, 5 күміс, 5 қола медальға қол жеткізді. 

   Шиелі. Ауданда тұрғындарды баспанамен қамту мәселесіне назар аударылып келеді. Бұл бағытта алдағы жылдарда атқарылатын іс-шара жоспары бекітілген. 

   Арал. Аудандағы шалғай елді мекеннің бірі – Қаратерең ауылында 300 балаға арналған мектеп пайдалануға берілді. Бұл жөнінде аудан әкімдігінің баспасөз қызметі хабарлайды. 

   Қызылорда. Облыс орталығында жаяу жүргіншілер жолын мұздан тазалау мақсатында бірқатар шаралар қолға алынды. «Қызылорда тазалығы» мекемесінің техникалары қала көшелерін мұздан тазартуға жұмылдырылды.