Сыр бойы

 Шиелі. Ауыл тұрғындарының ұйымдасуымен Шиелі ауданы, Алмалы ауылдық округіне қарасты Лесхоз елді мекенінің жолы жөнделді. 

 Қармақшы. Елімізге белгілі кардиохирург, «Ұлттық ғылыми кардиохирургиялық орталығы» акционерлік қоғамының жетекшісі, Қазақстанның Еңбек ері Юрий Пя Қызылорда облысына келген сапарында ата-анасы тұрған шаңыраққа ат басын бұрды. Ол кісінің ата-анасы сонау бір жылдарда Қармақшы ауданындағы ІІІ Интернационал ауылында еңбек еткен еді. 

 Жаңақорған. «2013 жылы Жаңақорған ауданы бойынша тіркелген шағын кәсіпкерлік субъектілер саны 2504, оның 181-і заңды тұлғалар, 591-і шаруа қожалықтары, 1732-і жеке кәсіпкерлер болып табылады.

 Жаңақорған. Қорқыт-ата атындағы ҚМУ-нің «Педагогикалық зерттеулер ғылыми орталығының» директоры, физика және математика кафедрасының доценті, жоба жетекшісі З.Сейлова бастаған бір топ сала ғалымдары кент орталығындағы №110 мектеп-лицейі шәкірттерінің озық үлгідегі сапалы білім алуына жұмыс жасайтын болады. 

Қызылорда. Облыс орталығындағы «Евразия» спорт кешенінде аты аңызға айналған футболшы болған және қызылордалық «Қайсар» командасында түрлі қызметтер атқарған Әбіл Қалымбетовты еске алуға арналған футзалдан ардагерлер арасында республикалық мәресіне жетті. Оны облыстық дене шынықтыру және спорт басқармасы, облыстық футбол федерациясы және Қалымбетовтер отбасының ұйымдастырды. Жарысқа 40 жас және одан жоғары жастағы 12 командадан  200-ге жуық ардагерлер қатысып, үздіктері анықталды. 

 Шиелі. Аудан орталығындағы Байтұрсынов көшесі бойында орын тепкен «Айдәулет» кафесінде өрт шықты. Жалын құшағы демнің арасында-ақ ғимаратты жайылды.

 Бүгінгі күнге дейін 2008 жылдан бері сағызша созылып келе жатқан 34 «сақалды» құрылыстың 30-ы пайдалануға берілді. Облыс әкімі Қырымбек Көшербаев тұрақты кеңес мәжілісінде осы деректерді келтірді.

 Арал. Ауданда өткен жылы «Жұмыспен қамту - 2020» бағдарламасы аясында ауқымды жұмыстар атқарылды.

 Өткен жылы Шиелі ауданына 28 млрд. теңге инвестиция тартылды. Ол алдыңғы жылмен салыстырғанда 230 пайызға артық орындалды.

Арал. Арал ауданындағы Қарашалаң елді мекенінде заманауи үлгіде салынған №75 орта мектептің жаңа ғимараты пайдалануға берілді. Бұл жайында аудан әкімдігі баспасөз қызметі хабарлады.