Сыр бойы

Ақтөбе қаласында каратэ-додан әлем чемпионы Әшім Қалидың жүлдесіне арналған халықаралық турнир өз мәресіне жетті. Осымен  13-ші  мәрте ұйымдастырылып отырған бәсекеге  еліміздің барлық аймақтарынан   300-ге жуық каратэші қатысып,  төрт  күн бойы шеберлік байқасты. 

Жалағаш. Аудан әкiмi С.Сермағамбетов кент көшелерiн аралап көрдi. Биылғы түскен қалың қар қасаттанып, аудан тұрғындарын бiршама әбiгерге салды, шаруашылыққа да керi әсерiн тигiздi. Қыстайғы түскен осы қалың қардың көктем шығып, күннiң көзi жылт еткеннен сел болып ағып, тұрғындардың көше бойымен жүруiне қиындық туғызатыны хақ.

Қармақшы. «Нұр Отан» партиясының Қармақшы аудандық филиалының қолдауымен «Жарқын болашаққа қадамыңды бізбен баста» атты Елбасының жолдауын жастар арасында насихаттау топтарының байқауы өткізілді. Оны облыстық жастар саясаты мәселелері басқармасының «Жастарды қолдау орталығы» мемлекеттік коммуналдық мекемесінің аудандық бөлімі және «Қорқыт елі – Қармақшы» жастар қоғамдық бірлестігінің ұйымдастырды.

 Шиелі, Аудан 2014 жылдың алғашқы айларында да облыста қаржы игеру бойынша алғашқы екінші орында келеді.  

Арал. Нұрым СәлімгереевТараз қаласында 1994-95 жылдары туылған жастар арасында дзюдодан өткен Қазақстан чемпионатында 100 келі салмақ дәрежесінде жеңімпаз болып, Қазақстан чемпионы атанды. Бапкері №19 Арал ауданының балалар-жасөспірімдер спорт мектебінің жаттықтырушысы Кәдірбай Мұқышов.

Арал. Бүгін көктемгі тасқын судың қолайсыз күшеюі кезіндегі құтқару және басқа да шұғыл жұмыстарға дайындық жүргізуге қатысты жедел штаб отырысы өтті. 

Шиелі. Ауданда жыл басынан бері 1 ғана мүмкіндігі шектеулі азамат №270 орта мектебіне тұрақты жұмысқа орналасқан. Бұл біз үшін төмен көрсеткіш. 

Осы жылдың 21-ші ақпанынан 22-сіне қараған күні Жаңақорған ауданында жаңбыр жауып, арты ақ ұлпа қарға ұласты. Ауа-райының күрт жылуына байланысты Қаратаудың қары еріп, ауданның шығыс беткейіндегі көшелерді су басты. 30 үйдің ауласы суға толып қалды. Аталған мәселеге орай «Облыс әкімі аппаратының жұмылдыру жұмыстары және дағдарыс жағдайындағы шұғыл талдау орталығы» КММ бастығы Мыңдәлда .Ршауов, Қызылорда облыстық төтенше жағдайлар департаментінің бастығы Сағынбек Өмірзақов, «ҚазСуШар» РМК Қызылорда облыстық филиалының директоры Болат Арыстанбаев, ҚР ТЖМ «Оңтүстік өңірлік аэромобильді жедел құтқару жасағы» ММ басшысы Бақыт Ембергенов журналисттерге арнап баспасөз мәслихатын өткізді.   

Қазалы. Биыл Қазалы ауданында қысқы спорт түрлерін дамыту мақсатында жұмыстар қолға алынып, 10 ауылда жасанды мұз айдыны жасалғанын мәлімдеген едік. Енді міне аталмыш мұз айдыны кәдеге жарап тұр. 

Шиелі. "Су ресурстары комитетінің мәлімдеуінше 2014 жылғы 23 ақпаннан бастап Шардара су қоймасынан төменгі ағысқа секундына 1050 текше метр көлеміндегі судың жіберілуі жоспарлануда. Осы ретте, аудан бойынша 2013-2014 жылдардың қысқы-көктем мезгілдеріндегі Сырдария өзенімен мол суды қауіпсіз өткізудің дайындық шараларын күнделікті бақылауда ұстауымыз қажет" - деді аудан әкімінің орынбасары Берік Сарменбаев.