Сыр бойы

Арал. Аудандағы іргелі кәсіпорынның бірі – «Аралтұз» зауыты 750-ден астам жергілікті тұрғынды тұрақты жұмыспен қамтып отыр. Онда өткен жылы 138 мың тоннаға жуық  тұз өндіріліп,  жақын шетелдерге экспортталды. 

Шиелі. Халықаралық әйелдер күні мерекесіне орай ақ халатты абзал жандар арасында "Көктем аруы" байқауы ұйымдастырылды.

Жаңақорған, Аудан орталығындағы спорт кешенінде таэквондодан аудандық топ аралық іріктеу жарысы өтті.  Жарысқа 13 салмақ дәрежесі бойынша 60 спортшы қатысты. Буындары әлі бекіп үлгермеген жеткіншектеріміз өздерінің бар ұрыс тәсілдерін ортаға салды. Іріктеу барысында сайыстың ең кішкентай спортшысы 7 жасар Аружан Сабырханова өзінің қайсар қыз екендігін көрсете білді. Жарыс соңында бас төреші К.Нақышпанов пен қапталдағы төрешілер С.Құлжабеков, Ш.Акбаровтар жеңімпаз жас таэквондошыларды арнайы дипломдармен марапаттады.

Жаңақорған. Аудандық мұрағатта "Еңбегімен елге танылған "Іскер әкім”, ардақты ана-Әзия” атты мұрағат құжаттары негізінде көрме ұйымдастырылды. 

Жалағаш. Ауданда мереке қарсаңында «Әйел бақыты баламен» атты жас аналар арасында сайыс ұйымдастырылды. 

Шиелі. Бүгінде Шардара су қоймасынан түскен 1000 куб судың 500 кубы Көксарай су қоймасына жиналуда. Ал, қалған 500 куб Сырдария бойымен ағып келеді. 

Қызылорда. Халықаралық әйелдер күні мерекесі қарсаңында қала әкімінің орынбасары Руслан Рүстемов биыл 100-ге толып жатқан Хадиша Қарғаева әженің отбасында болып, қарт-ананы мерекемен құттықтады.

Шиелі ауданында Көктемнің алғашқы мерекесінің алдында аудан орталығында және барлық ауылдық округтерде арнайы сенбілік ұйымдастырылды.

Арал, Көктемнің алғашқы мерекесі саналатын 8-наурыз-Халықаралық әйелдер күніне орай аудандық мәдениет Үйінде «Әйел, Ана - Тіршілік» атты салтанатты жиын өтті. Жер-Ана бусанып, тіршілік біткен қайта жаңаратын әдемі мерекенің шымылдығы тал бесікті тербеткен ананың мейірлі махаббатқа толы әлдиі-бесік жырымен түрілді.   

Жаңақорған. Өздерінің нәтижелі оқу тәжірибелерімен озық болып, «Алтын белгі», «Үздік аттестат» иегерлерін дайындаған және де жеке педогогикалық шығармашылық әлеуеттерінің биік деңгейлерімен танылып жүрген ұстаздар марапатқа ие болды.