Сыр бойы

Сүйінші!  Мәнерлеп сырғанау спортынан үкілі үмітіміз – Элизабет Тұрсынбаева тағы да қызылордалық жанкүйерлерді толайым қуанышқа бөледі. 

Сырдария. Қашаннан халық өнерінің көзі, құтты бесігі болған Шиелі өңірі өн бойынан түлеп ұшқан өнерлі перзенттерін әмәнда мақтаныш етіп, құрметтей білген. Өнерпаздарының тірісін ардақтай алатын, дүниеден өткенін қастер тұта білетін қабырғалы ел. Бұл мекеннен әнші де, биші де, күйші де шыққан. 

Қазалы. Ауданда сенбілік өткізілді. Қала тұрғындарынан барлығы 276 адам қатысып, соның нәтижесінде күл-қоқыстар тазартылып арнайы орынға шығарылды.

Жаңақорған. Аграрлық сектор еңбеккерлеріне берері мол мемлекеттік «Сыбаға» бағдарламасы аясында 2012-2013 жылдары аудан бойынша 49 шаруашылық құрылымдары жұмыс жасап, облыс бойынша алдыңғы қатарға шықты.

Жаңақорған. Жаңақорғандық жас талант Шоқан Уәлиханұлы ағымдағы жылдың 11-13 сәуір күндері Астана қаласында өтетін XXIII-республикалық «Жас қанат» байқауында облыс намысын қорғайтын болады. 

Арал. Аудан әкімдігінің қаулысымен 25 наурыз -25 мамыр аралығында көркейту көгалдандыру және санитарлық тазалау айлығын өткізу жөніндегі іс-шаралар басталып кетті.

Қармақшы. Былтырғы жылы «ЛУКОЙЛОверсизСервисБВ» компаниясы ауыл тұрғындарының әлеуетін дамытуды ынталандыру, жаңа жұмыс орындарын құруға атсалысу мақсатында "Ақниет" бағдарламасы бойынша әлеуметтік мәні бар жобаларға байқау ұйымдастырған болатын. Қармақшы ауданынан 19 азамат өтеусіз грант иегерлері атанып, қазіргі таңда нәтижелі жұмыс жасауда.

Арал. Аудан әкімі Мархабат Жайымбетов өңірімізді елімізге танытып жүрген бірқатар сала қызметкерлері мен өнерлі бүлдіршіндерге құрмет көрсетті. 

Қазалы. Аудан құрама командасының мүшесі, №92 мектептің оқушысы Ұлдана Махамбетәмин жерлестерін үлкен қуанышқа кенелтті. Ол жасөпірімдер арасындағы ел біріншілігінен олжалы оралды. 

Жалағаш кентінде орналасқан №202 орта мектепте үстіміздегі жылдың ақпан айында ашылып, жас жеткіншектердің мол қызығушылығына ие болып отырған қосымша білім беру орталығының бірі - «Құммен бейнелеу және мүсін өнері» үйірмесі.