Сыр бойы

Жаңақорған. Құттықожалық қайсар қызымыз Ақнұр Сматова бірінші топ мүгедегі болғанмен, өзінің жігерлілігімен көзге түсіп келеді. Кальций жетіспеушілігіне байланысты аяғынан тік тұра алмай, қол арбаға таңылғанына ұзақ жылдар өтті. Аяғына салмақ салса болғаны шытырлап сына береді. 

Қармақшы. Жосалы кентінің тұрығыны Марал Кеңесқызы 1994 жылы кент орталығынан "Марал" атты жеке шаштараз ашып, халыққа қызмет көрсете бастады. Ол өзінің аянбай еткен еңбегінің арқасында кент тұрғындарының ықыласына бөленіп, өзге әріптестеріне үлгі көрсетті. 

Қазалы. Ауданда жылда дәстүрімізден жаңылмай көркейту-көгалдандыру және санитарлық-тазалығына байланысты жалпыхалықтық сенбіліктер ұйымдастырылуда. 

Жаңақорған. Аудандық тарихи-өлкетану музейінде халықаралық тарих және мәдениет ескерткіштерін қорғау күніне арналған «Егемен елдің еңселі ескерткіштері» атты шара өтті. Музейдің экскурсия жүргізушісі Б.Таждинов өз баяндамасында ауданымыз бойынша 30 тарихи ескерткіш бар екендігін айта келе, тарихи-мәдени мұраларымызды келешек ұрпаққа кеңінен насихаттау бүгінгі аға ұрпақтың басты аманаты екендігін баяндады. 

Шиелі ауданы. Жуантөбе ауылдық округіндегі кәсіпкер Р.Мұстафаева «5 арыс тұяқты» несие серіктестігін құрып өз кәсібін кеңейтуде. 

Жаңақорған. Ағаш ойып, темірден түйін түюді қазақ халқы ерекше киелі өнер түрі деп есептеген. Осындай кәсіп түрлерін меңгерген азаматтар Жаңақорған ауданында да баршылық. 

Арал. Арал қаласында орталық мешіттің құрылысы басталды. Орталықтан бой көтеретін имандылық үйіне бір мыңға жуық адам сыятын болады. 

Жалағаш. Аудан бойынша 2013 жылы пайдалануға берілген тұрғын үй көлемі 8426,3 шаршы метр, 2012 жылмен салыстырғанда 101,2 пайызға артып отыр. 

Қармақшы. ҚР Денсаулық сақтау министрлігінің іс-шара жоспарына сәйкес медицина қызметкерлерінің білімдерін жетілдіру мақсатында Алматы қаласындағы С.Аспандияров атындағы Қазақ Ұлттық медициналық университетінің «Дипломнан кейінгі терапия бағытындағы білім жетілдіру» кафедрасының меңгерушісі, медицина ғылымдарының докторы, профессор Гүлнар Ғабдуәлиқызы Беделбаева жуырда ауданымызға жұмыс сапармен келді. 

Қазалы. Ауданында өнерлі өрендердің талантын шыңдау, шығармашыл жас буынды елге таныстыру мақсатында «Әнші балапан» байқауы өткізілді. Сайысқа 40-тан аса талапкер қатысты.