Сыр бойы

Қызылорда облысында коммуналдық инфрақұрылымды жаңғырту және қайта құру бойынша ауқымды жұмыстар жүргізілді. Коммуналдық қызметтер - электр энергиясы, жылу және сумен қамтамасыз етуде  жоғары сапаға қол жеткізілді.  Бұл туралы облыстық энергетика және тұрғын үй коммуналдық шаруашылығы басқармасының басшысы Ержан Әбдіхалықов хабарлады. 

Ақорданың баспасөз қызметі фейсбуктегі парақшасында Елбасы Нұрсұлтан Назарбаевтың 22 жыл бұрын ғарышкерлермен түскен суретін жариялады, деп хабарлайды BNews.kz.  

6 қараша күні Қызылорда облысында Конфедерация кубогының «А» тобы бойынша іріктеу кезеңі өтті. Оған Астана, Алматы қалалары, Алматы және Қызылорда облыстарынның командалары қатысты. Жарысқа қатысушылар таеквондо, дзюдо, грек-рим және еркін күрес түрлері бойынша сынға түсті. 

«Достық үйінің» мәжіліс залында Қызылорда облыстық Қазақстан халқы ассамблеясының хатшылығы мен Қызылорда облысы әкімі аппаратының «Қоғамдық келісім» КММ ұйымдастыруымен Тәуелсіздіктің 25 жылдығына арналған «Мың бала» республикалық мәдени-ағартушылық жобасының облыстық байқауы болып өтті. Байқауға «Тәуелсіздік - тірегім!» тақырыбында өлең жазудан аралас мектептерден үздік шыққан 11, эссе жазудан 17 және «Асыл сөз мектебі» - шешендік өнеріне 16 оқушы қатысты. Бұл туралы ҚазАқпарат тілшісі облыстық ассамблеяға сілтеме жасап хабарлады.

Ақтөбеде гір спортынан  ересектер арасында өткен Әлем чемпионатында жерлесіміз Нұрсұлтан Көлдеев күміс жүлдені еншіледі.

Ресейдің Набережные Челны қаласында белбеу күресінен өткен Әлем чемпионатында Шиелі ауданының тумасы Райымбек Рантаев  күміс жүлдені иеленді. 62 келі салмақ дәрежесінде өнер көрсеткен Райымбек  халықаралық дәрежедегі спорт шебері нормативін орындады.

Қызылордада Жалаңтөс баһадүрді еске алуға арналған бокстан жасөспірімдер арасында республикалық турнир аяқталды. Биыл оныншы мәрте ұйымдастырылған турнир ел тәуелсіздігінің 25 жылдығына арналды.

Қазақстан Республикасының 25 жылдық мерейтойына арналған «Бала дауысы» ұлттық балалар ән байқауына жерлесіміз, өнерлі ұлан 9 жасар Дулат Әбдікәрімов қатысып, облысымыздың намысын қорғайды.

Бүгін «Даму» қорының Қызылорда облысы бойынша аймақтық филиалы «Бизнес аллеясы» акциясын ұйымдастырды. Қордың бастамасын қолдағандар қатарында екінші деңгейлі банктердің басшылары, облыстық кәсіпкерлік және туризм басқармасы, сондай-ақ «Бизнестің жол картасы-2020» бағдарламасы аясында мемлекеттік қолдау алған кәсіпкерлер болды. 

Кеше Жалағаш ауданының Аққұм ауылында Ұлы Отан соғысының ардагері, Социалистік Еңбек Ері Алдаберген Бисеновтің 90 жылдығына арналған еске алу шарасы аясында бюст-ескерткіштің ашылу рәсімі өтті. Салтанатты шараға облыс әкімі Қырымбек Көшербаев қатысты.