Сыр бойы

Бұған дейін Қызылорда қаласы әкімінің орынбасары қызметін атқарған Шахмардан Байманов басқа қызметке тағайындалды.

Елбасы - ҚР ҚК Жоғарғы Бас қолбасшысының Жарлығымен Ми-8 тікұшағының апатқа ұшырауы кезінде қаза тапқан әскери қызметшілер жанқиярлық ерліктері үшін «Жауынгерлік ерлігі үшін» медальдарымен марапатталды, деп хабарлайды Қорғаныс министрлігінің баспасөз қызметі.

Мамыр айында облыс ардагерлері тағы 303 мың теңгеден алады. Аймақ басшылығы мереке қарсаңында осындай шешім қабылдады.

 Бұл оқиға жақында ғана Төретам кентінде болған еді.

«Astana Musical» мемлекеттік театры 8-11 мамыр аралығында Сыр елінде гастрольдік сапармен болып, өз өнерлерін паш етпек. Бұл туралы өңірлік коммуникациялар қызметінде өткен брифингте өнер ұжымының артистері Игілік Оразалы, Инабат Ризабекова, Әділет Әбдуқадіров және театр әкімшісі Жұлқаш Жұмажан мәлімдеді.

Н.Бекежанов атындағы облыстық қазақ музыкалық-драма театрында Отан қорғаушылар күніне және Ұлы Жеңістің 74 жылдығына арналған салтанатты жиын өтті. Шара дүниеден озған майдан жауынгерлерін бір минут үнсіздікпен еске алудан басталды.

Әріптесім Мәди екеуміз Сексеуілге қарай тартып келеміз. Аудандық газетте қызмет ететін қарымды тілшінің жаныма серік болуы менің де сапарымның оң болуына біраз септігін тигізгендей. Айтпақшы, Сексеуілге келе жатуымның себебі – аудан бойынша көзі тірі Ұлы Отан соғысының ардагерлері Берден Тұрсынбаев пен Талжан Жанасовтай батыр аталарымыздың қолын алып, батасын есту, реті келсе, басылым бетіне айшықтап жазу еді.

Биылғы қармақшылықтар 22 мың гектардан астам егін екпекші. Оның ішінде күріш, бидай, жоңышқа, картоп, көкөніс және түрлі бақша өнімдерімен қатар, мақсары мен соя да бар. Сыр халқының бренді есепті күріш дақылынан басқа біз айтып өткен соя дақылын «Тұрмағамбет» және «Жаңажол» ЖШС 40 гектар жерге  өсіруді қолға алған. Былтыр күзде 7 мың гектар егіс жері арнайы дайындалып, бүгінде аудан шаруашылықтары бойынша 2271 гектар жаңа жоңышқа, 302 гектар мақсары, 536 гектар жаздық бидай және 125 гектар  арпа дақылы егіліпті. Ал биылғы көктемгі егіске 4200 тонна күріш тұқымы арнайы дайындалған.

Қазалы ауданының орталығы  Әйтеке би кенті мен Қазалы қаласын бір елдімекенге шоғырландыру жоспарлануда. Осыған байланысты аталмыш елдімекендерді абаттандыру жұмыстары жүргізілуде.

ҚР ҚМ Мемлекеттік кірістер комитетінің төраға орынбасары Өмірзақ Көбегенұлы Бейспеков және Қызылорда облысы әкімінің орынбасары Қуаныш Ысқақов Қаржы министрі  Әлихан Смайыловтың бұйрығымен тағайындалған Қызылорда облысы бойынша мемлекеттік кірістер департаментінің басшысы Орынов Ғалымжан Қалдыкөзұлын   ұжымға таныстырды.