Сыр бойы

Жылдан-жылға елдің әлеуметтік-экономикалық жағдайы жақсарып келеді. Оны күнделікті тіршілік барысынан айқын аңғаруға болады. Әрине, уақыт ағымы бір орнында тұрмайды, соған лайықты деңгейде даму басты мақсаттың бірі саналады. Осындай іргелі істердің бірі ретінде көліктік-логистикалық жүйені қалыптастыруды атап өткеніміз артық емес. 

Қазақстанның «Өрлеу» біліктілікті арттыру ұлттық орталығы» акционерлік қоғамы Елбасының 2012 жылғы қазан айындағы Жарлығымен құрылған болатын. Осыған орай еліміздің әрбір аймағында педагогикалық қызметкерлердің біліктілігін арттыру институттары құрылды. Оның мақсаты шетелдердің білім беру жүйесінің озық үлгілерін меңгеру арқылы ұстаздардың біліктілігін арттыру, осының негізінде өскелең ұрпақты заманауи білім нәрімен сусындату болатын.

Жалғызбасты әке. Ол кім? Әйелсіз үйге амалсыз бас-көз болып отырған азамат па? Олар күндерін қалай көруде? Жыл өткен сайын қоғамымызда жалғызбасты әкелердің саны артып келеді. Әр әкенің түрлі мәселесі бар. Біреуі баспанаға зар болса, енді бірінің материалдық жағдайы нашар болса, келесісі тәрбие мәселесінде ақсап жатады.

Конго-Қырым геморрагиялық қызбасы аса қауіпті жұқпалы аурулар тобына жатады. Бұл ауруды алғаш рет ашқан орыс ғалымы М.П.Чумаков 1945 жылы Қырымда адамдар арасында жаппай тіркелген індетті зерттеу барысында анықтады. Аурудың қоздырғышы 1956 жылы Конго Республикасында науқас баланың қанынан табылып, «Конго вирусы» деген атқа ие болды.

Бұрынғылар «Өмірдің басы тәтті, аяғы қатты» деген екен. Осы сөздің мән-мағынасына біздің буынның енді ғана қанығып жатқан жайы бар. Бұл бізден бұрынғылар үшін бұлжымас қағида болатын. Біздің бүгінгі әңгімемізге алтын жіптей арқау болып отырған Өтеп басқарманың шыққан тегін таратып айтар болсақ, әкесі Өтеғұлдан өзінен бір жас үлкен Өтепәлі, одан кейін Қораз, Алтынсары, Аман сияқты інілері болады. 

Бір кездері қазақ қауымына жат саналатын букмекерлік кеңселер бүгінде ешбір жанға таңсық болмай барады. Осыдан бірнеше жыл бұрын «букмекер» сөзі құлағымызға түрпідей тиетін. Тіпті, оған тосырқап қарап та жүрдік. Осы кеңсенің ішінде не істейді екен деген сұрақ та мазалайтын. Ал, қазір керісінше, еріккен адамды іздесек, осы букмекерлік кеңседен табасың. Кеңсеге кіріп қалсаңыз, көк жәшікке телміріп, у да шу болып бәс тігіп жатқандарды көресіз.

Шиелілік емші-дәрігер Әлмахан Кәменов есімі «Сыр бойы» оқырманына етене таныс. Ол газеттің тұрақты авторы болды, жазған мақалалары өзінің өрнегімен жүрекке жол табатын.

Жыл басында "Жолаушылар тасымалы” АҚ шығынды азайту мақсатында темір жол көлігі мен жолаушылар тасымалына арналған тарифтердің өсетінін хабарлады. Бұған қоса, еліміздің бірқатар өңірлерінде коммуналдық қызмет  көрсету нысандары бағаның өсетінін жария етті. Айта кетейік, біздің аймақта жолаушылар тасымалы, жарық пен жылу және сумен жабдықтау саласында ондай өсім әзірге орын алған жоқ. 

Бүгінде ел-халықтың дәулеті артып, тұрмыс-тіршіліктері түзеліп келеді. Содан болар жыл өткен сайын автокөліктер қатары көбейіп, жол қозғалысының қауіпсіздігін сақтауда күрмеуі қиын мәселелер де туындауда. Демек, ҚР Yкіметінің 2012 жылы қабылдаған «Қазақстан Республикасында жол қозғалысы қауіпсіздігін қамтамасыз етудің 2012-2014 жылдарға арналған салалық бағдарламасын» жүзеге асыру жергілікті атқарушы органдардың басты назарында болуы тиіс. 

Қызылорда қаласындағы «ПетроҚазақстан» компаниясының спорт кешенінде жыл сайын дәстүрге айналған балалардың жаңажылдық ертеңгілігі болып өтеді. Биылғы Жаңа жылды мұнайшылар қайырымдылық сипатындағы шырша мерекесін қалалық жұмыспен қамту және әлеуметтік бағдарламалар бөлімімен және аймақтың үкіметтік емес ұйымдарымен ұсынылған тізімде тұрған, тұрмысы төмен отбасылардан шыққан 260 балақай үшін арнайы өткізді.