Сыр бойы

Жақында Қызылорда қаласындағы «Абылай хан» колледжінің базасында Кәсіптік білім және бизнес: Әріптестер сұхбаты» VIII-ші облыстық еңбек форумы өткізілді.

Елбасының «Рухани жаңғыру: болашаққа бағдар» атты мақаласы бойынша 2017 жылдың 26 қазан күні ҚР Президентінің жарлығымен қабылданған латын әліпбінің жаңа нұсқасымен облыстық диагностикалық орталығы қызметкерлеріне таныстыру жұмыстары жүргізілді.

Кәсіпкерлер палатасының Қазалы аудандық филиалының аудан тұрғындары алдындағы есебі өзге аудандарға қарағанда ерекше басталды.

Аймақ басшысы Қырымбек Көшербаевтың төрағалығымен өткен облыс әкімдігі мәжілісінде Кәсіпкерлер палатасының директоры Ғалымбек Жақсылықов ауыл шаруашылығы саласы бойынша берілетін субсидияларды кәсіпкерлерден мемлекетке қайта төлетіп жатқандығын айтып, алаңдаушылығын білдірді.

Былтыр бағы жанып, «Қазақстан аруы» атанған қызылордалық Гүлбану Әзімханова даңқы жер жарған «Әлем аруы-2017» байқауына қатысу мақсатымен Қытайда жүр. Он тоғыз жастағы отандасымыз тіркеуден өтіп, сұлулыққа таласқан бойжеткендермен бірге Санья қаласында өтетін халықаралық ақтық жарысқа барын салып дайындалуда.

Елбасы Нұрсұлтан Назарбаевтың осы жылдың сәуір айында жарияланған «Болашаққа бағдар: рухани жаңғыру» атты бағдарламалық мақаласында латын әліпбиіне көшу мәселесі айтылғалы ол қоғамда қызу талқыланғаны белгілі.

Жуырда Қазақ соқырлар қоғамының Қызылорда бөлімшесінің құрылғанына 80 жыл толуына орай «Жемісті жылдар, өрісті жырлар» атты салтанатты жиын өтті. Шараға Қазақ соқырлар қоғамында есепте тұратын ардагерлер шақырылып, мерекелік дастархан жайылды.

Жуырда облыстық филармонияда Сыр елінің өнер майталманы, балетмейстер, белгілі хореограф, Ы.Алтынсарин медалінің иегері Болат Қаржаубаевты еске алуға арналған «Томирис» би ансамблінің концерті болып өтті. Оған Болаттың баласы мен бауыры Мұрат Қаржаубаев қатысты.

Өткен ғасырдың бас кезінде небәрі 23 жыл ғана жасап, аққан жұлдыздай жарқырап өте шыққан Ғани Мұратбаевты тәуелсіз еліміздің жастары өнеге тұтуы тиіс. Өйткені, бүгінгі күнді ғана емес, келешек үшін басын тігер Ғанидай жігерлі жас қазақ үшін қашанда керек. Еске салайықшы, жарқылдап тұрған жалынды жас шығыс жастарының көшбасшысы болды. Түркістан комсомолының ІІІ съезінде орталық комитеттің мүшелігіне сайланса (1920 жыл), сонымен қатар қазақ-қырғыз бюросын да басқарды. Ал 1921 жылы әуелі Самарқан өлкелік комсомол комитетінің, кейіннен Түркістан Республикасы комсомол ұйымы ОК-нің бірінші хатшылығына сайланды. Осы уақыт аралығында Тәшкен қаласында «Жас алаш» газетін ұйымдастырып, оның тұңғыш редакторлығын да атқарды.

“Жасыл ел”, “Жас құрылысшылар” секілді жастар саясатына өзіндік үлес қосқан жасақтардың жұмысы қорытындыланып, еңбек маусымының жабылу салтанаты өтті. “Сенің еңбегің – сенің ертеңің” атты ұранды арқау еткен дәстүрлі шараны облыс әкімінің орынбасары Руслан Рүстемов ашып, жастарға жылы лебізін жолдады.