Сыр бойы

Облыс әкімінің тапсырмасымен білім басқармасының жанынан «Аймақтық дене тәрбиесі орталығы» кәсіпорны құрылып, жұмыс жасауда.  Кәсіпорын аудан, қала мектептерінде спорт үйірмелерінің жұмысын жүйелеумен айналысады. Жуырда орталықтың ұйымдастыруымен аймақтың білім ошақтарында Әмин Тұяқов оқулары өткізілді.  

Облыстық кәсіпкерлер палатасында өткен басқосуда облыстық қаржы полициясы мен аталмыш палата арасында ынтымақтастық жөнінде меморандум қабылданды.

«Сыр Медиа» ЖШС жанындағы облыстық коммуникациялар орталығында қалыптасқан дәстүрге сай кезекті брифинг болып өтті.  Бұл жолы журналистермен жүздесуге облыстық индустриялық-инновациялық даму басқармасының басшысы Мұрат Имандосов келді.

Жуырда А.Тоқмағанбетов атындағы мәдениет үйінде қала аумағында құқықтық тәртіп пен қылмысқа қарсы күресті күшейту және олардың алдын алуға бағытталған іс-шараларды қорытындылаған кеңейтілген кеңес болып өтті. Аталмыш шараға Қызылорда қалалық прокуратурасы мен ішкі істер басқармасының қызметкерлері, қалаға қарасты ауылдық округтердің әкімдері, мектеп директорлары мен балабақшалардың меңгерушілері қатысты.

Сыр өңірінің спорт саласындағы серпіліс өзге өңірлердегі жұртшылықты қызықтырып отыр. Туған топырақтан қуат алып, төрткүл дүниенің тарландары тайталасқа түскен тартысты бәсекелерде топ жарған түлектер жылма-жыл көбейіп келеді. Өткен жылы да табыссыз болған жоқпыз. Қандай жарысқа алып барсаң да, сыр бермейтін сырбаз спортшылар үйде отырып тілеуін тілеген ағайынды толайым қуанышқа кенелтті. Сондай-ақ, біздің өңірде жаңа ғимараттар есігі айқара ашылып, жергілікті өрендердің салауатты өмір салтын серік етуіне мүмкіндік туды. 

Елбасы «Қазақстан-2050» Стратегиясы: қалыптасқан мемлекеттің жаңа саяси бағыты» атты Жолдауында, «Біз ұлт денсаулығын жақсарту ісінде едәуір ілгерілеуге қол жеткіздік. Денсаулық сақтау жүйесінің тиімділігін арттыру үшін оны ұйымдастыру, басқару мен қаржыландыру жұмысы реформаланды» деген болатын. Биылғы дәстүрлі тарихи құжатта да әлеуметтік салаға әдеттегідей көңіл бөлінгені белгілі. Соның ішінде, медицина қызметкерлеріне нақты тапсырмалар берілді. Алға қойылған мақсат – әлемнің ең дамыған 30 елінің қатарына ену.

Сыр жұртшылығының әл-ауқатының артып, адам санының артуына  орай уақыт өткен сайын  облыс білім ұйымдарының желісі де өсіп келеді. Бұдан бес жыл бұрын аймақта жалпы орта білім беретін мектеп саны 289 болса, өткен жылы оның қатары екі жаңа мектеппен, Қармақшы ауданы Төретам кентіндегі №269 және облыс орталығындағы Наурыз елді мекеніндегі №268 мектеппен толықты.

«Болашақ» университетінің Студенттер сарайында  ақиық ақын Мұқағали Мақатаевтың туған күніне орай «Мен өмірге ғашықпын, құшам оны» деген тақырыпта әдеби-сазды поэзия кеші болып өтті.

Қазақстан Республикасындағы сыбайлас жемқорлыққа қарсы қимыл жөніндегі 2011-2015 жылдарға арналған салалық бағдарламасына сәйкес мекемеде сыбайлас жемқорлыққа қарсы бірқатар іс-шаралар атқарылып келеді.

Үстіміздегі жылы Қазақстанның халық жазушысы, көрнекті ақын Әбділда Тәжібаевтың 105 жылдығы тойланады. Осыған орай облыс аумағында түрлі іс-шаралар өткізу жоспарланған.