Сыр бойы

Облыс әкімінің орынбасары Серік Қожаниязовтың төрағалағымен облыстың техникалық реттеу мәселелері бойынша аймақтық штабтың кезекті отырысы болып өтті. Кәсіпорын, аймақтық қауымдастық, «Нұр Отан» партиясы, өңірлік кәсіпкерлер палатасы өкілдерінің қатысуымен болған басқосуда Кедендік Одақтың техникалық регламенттері және оны сақтау мен отандық кәсіпкерлер үшін тиімділігі секілді ауқымды мәселелер қозғалды.

Облыстық индустриялық-инновациялық даму басқармасының ұйымдастыруымен "Ұжымдық шарт жасасудың маңызы” тақырыбында семинар болып өтті. Оған бірқатар мекеме басшылары мен тиісті сала қызметкерлері қатысты.

Жыл басынан бері облыс көлемінде суда орын алған 22 төтенше оқиғада 24 адамның қаза болу дерегі тіркелді, оның 7-і бала 2013 жылы 29 суға кету оқиғасының 7-н балалар құраған еді.

Арал аудандық соты ақбөкен аулаушыларға қатысты бес қылмыстық іс қарады.

Облыстық сот кеңсесінің ұйымдастыруымен "Сот кабинеті” тақырыбында өткен басқосуға соттардың кеңсе меңгерушілері мен бөлім басшылары қатысты. Жиынға сондай-ақ Қазақстан Заңгерлер одағы облыстық филиалының жауапты хатшысы мен мүшелері, өз біліктіліктерін тәжірибеде жүзеге асырып жүрген заңгерлер мен нотариустар, адвокаттар, әділет және салық департаменттерінің өкілдері арнайы шақырылды.

Қытайдың Нанкин қаласында жасөспірімдер арасындағы жазғы Олимпиада ойындары басталып кетті. Алдағы уақытта ересектер арасындағы дүниежүзілік додаларда дүбір қыздыратын дүлділ атануға бас­ты үміткерлер бақ сынап жатқан айтулы жарыстың алғашқы күндерінде Қазақстан құрамасының қоржынына алтын түсті. Сыр ұланы Бауыржан Жауынтаев чемпион атанды.

Парламент Мәжілісінің депутаты, "Нұр Отан” партиясы фракциясының мүшесі Уәлихан Бишімбаев Сырдария ауданындағы сайлаушылармен кездесті. Халық қалаулысы алдымен Тереңөзек кентіндегі "Нұр Отан” партиясының аудандық филиалы кеңсесінде саяси бюро мүшелерімен кеңес өткізді.

Сыр өңірінде "Лукойл Оверсиз Сервис Б.В.” компаниясының жетекшілігімен "Ақниет” әлеуметтік серіктестік бағдарламасының екінші кезеңі жүргізілуде. Аталған бағдарлама әлеуметтік мәнге ие және ауыл инфрақұрылымын дамытуға бағытталған үздік жобаларды анықтап, қолдауға, халық шаруашылығы үшін жағдай жасауға, тұрғындардың бастамаларын жүзеге асыруға, ауылдық жерлерде жаңа жұмыс орындарын құруға, сонымен бірге іскерлік белсенділікті қолдауға бағытталған.

Кеше облыс әкімі Қырымбек Көшербаевтың төрағалық етуімен Қызылорда облысы әкімдігі жанындағы құқық бұзушылық профилактикасы жөніндегі ведомствоаралық комиссияның отырысы болып өтті. Комиссияның күн тәртібінде "Қылмыс, терроризм, және экстремизмге қарсы іс-қимыл және профилактика бағытындағы құқық қорғау органдары мен үкіметтік емес ұйымдардың өзара жұмысын нығайту” мәселесі қаралды.

Жуырда Шымкент қаласында көпқабатты үйге ортақ жылу есептегіш құралдарын орнату тетіктерін насихаттау үшін арнайы көшпелі жұмыс тобы отырысы өтті. Аймақтық отырысқа табиғи монополиялар субъектілері, облыс әкімдіктерінің, ПИК, Жамбыл, Қызылорда және ОҚО табиғи монополияларды реттеу жөніндегі қызметкерлері, энергетика және тұрғын үй-коммуналдық шаруашылық басқармасы өкілдері қатысты.