Сыр бойы

Қызылорда қалалық ішкі саясат бөлімі және «Сұңқар» әлеуметтік қамқорлық орталығы» қоғамдық қорының ұйымдастыруымен кеңес беру жұмыстары жүргізіліп жадынамалар таратылды.

Облыстық жастар саясаты мәселелері басқармасы мен «Ашық Азаматтық Қоғам» ақпараттық - ресурстық орталығы» қоғамдық қорының ұйымдастыруымен және Ұлттық Дельфий комитетінің қамқорлығымен өңірлік XV «QYZYLORDA.JASTAR.SYNERGY»жастар Дельфий ойындары өткізілді.

Қызылорда облысының тауарлар мен көрсетілетін қызметтердің сапасы мен қауіпсіздігін бақылау департаментінің мамандары облыстық салауатты өмір салтын қалыптастыру орталығы мен қалалық №1,№5,№6 емхана дәрігерлерін қатыстыра отырып "Салауатты өмір салты - жарқын болашақтың кепілі" акциясын ұйымдастырды.

Дәстүрлі өнердің қара қазаны қайнаған сұлу Сырдың бойында жыраулық өнердің алар орны ерекше. Жыршылық дәстүр жайында айта қалсақ, топырағынан 100 шайыр шыққан Қармақшы ауданы аузымызға алдымен ілінеді. Ешнияз сал, Балқы Базар, Дүр Оңғар, Кете Жүсіп, Жиенбай, Тұрымбет, Омар Шораяқұлы, Тұрмағамбет, Молдахмет Дабылұлы туып-өскен, тектіліктің тамыры тереңге кеткен тұғырлы өлкеде дүбірлі той өтті.

Облыста күрішке алғашқы орақ салған шаруашылықтың бірі –  Жаңақорған ауданындағы «Түгіскен» тәжірибе шаруашылығы» ЖШС. Осы құрылымда өткен салтанатты рәсімге шаруашылық төрағалары, тәжірибелі диқандар мен ардагерлер қатысып, қуанышты бірге бөлісті.

Шиелі ауданында тампонажды цемент зауыты өнімдеріне сұраныс артып келеді. Біріккен кәсіпорын өз өнімдерін ішкі-сыртқы нарыққа жіберіп жатыр. Нақты кезеңде мамандар 155 мың тонна өнім өндірген. Оның бір бөлігі экспортқа шығарылды. Күрделі құрылыста пайдаланылатын тампонажды цемент әлемдік нарықта әу бастан-ақ жоғары сұранысқа ие. Әсіресе, ол уран өндірісі мен мұнай-газ саласына қажет маңызды компонент саналады. Жоғары сапалы томпанажды цементті біз бұған дейін сырттан тасымалдап келсек, енді міне сұраныстағы өнім Сыр өңірінде өндірілуде.

Қызылордада кәсіпкерге қарақшылық шабуыл жасалды, деп хабарлайды ҚазАқпарат тілшісі.

 Президент Қасым-Жомарт Тоқаевтың «Игілік баршаға! Сабақтастық. Әділдік. Өрлеу» атты стратегиялық жоспары білім саласындағы негізгі міндеттерді нақтылап берді. Барлық елді мекендегі азаматтардың сапалы білім алуына жағдай жасау, ауыл мен қала мектептерінің арасындағы алшақтықты жою, балаларды қоғамға бейімдеу, жүктемелерді азайту сынды тапсырмалар бүгінгі білім саласы қызметкерлері үшін ерекше жауапкершілікті қажет етеді.

Тамыздың 14-15 күндері Өзбекстандағы Қазақстанның мәдениеті мен өнері күндері аясында Сыр елінің мәдениет майталмандары Ташкент және Науаи қалаларында болып, өнер көрсеткен еді.Осы шаралардың барысы жөнінде облыстық мәдениет, архивтер және құжаттама басқармасының басшысы Мира Әбуовамен еркін әңгіме құрдық.

 Сағымбай Қарақұлұлы өзінің саналы ғұмырында облыстың хирургия саласының дамуына өлшеусіз үлес қосты. Ол облыс халқының денсаулығын қорғауда аянбай еңбек етіп, талай жанға екінші өмір сыйлаған алтын қолды дәрігер.  Мыңдаған шәкірт дайындаған абыз ұстаз.Жоғары біліктілік санаттағы дәрігер хирург «Денсаулық сақтау ісінің үздігі» белгісімен, «Еңбек қызыл ту» орденімен марапатталып,  «Алтын дәрігер» атағына ие болды. Облыстық медицина орталығының «Құрмет кітабына» енгізілді, ҚР Денсаулық сақтау министрлігінің Құрмет грамотасымен, денсаулық сақтау саласының Алғыс хатымен, «Облыстық медицина орталығының дамуына қосқан үлесі» үшін медалімен,  «Құрмет» орденімен марапатталды.