Сыр бойы

2011 жылдың 10 желтоқсанында ҚР Парламенті Сенаты депутаттарының бастамасымен «Қазақстан Республикасындағы мерекелер туралы» ҚР Заңына толықтыру енгізу туралы» заң қабылданған болатын. Осының негізінде 2012 жылдан бастап елімізде 1 желтоқсан –Қазақстан Республикасының Тұңғыш Президенті күні аталып өтіп келеді.

«Қорқыт ата» мұрасының ЮНЕСКО-ның материалдық емес рухани мұралар тізіміне енуі – Қызылорда облысының жұртшылығы ғана емес, жалпы ел үшін, түркі халықтары үшін үлкен мәдени құбылыс. Демек, енді «Қорқыт ата» мұраларының әлемдік деңгейде зерттелуіне жаңа жол ашылады. Бұл облыс әкімі Қырымбек Көшербаевтың, мәдениет саласындағы барлық қызметкерлердің еңбегі деп білемін.

Қазақстандық танымал спортшы, мәнерлеп сырғанаушы Элизабет Тұрсынбаева Қазақстанның Ресейдегі елшілігінде қонақта болып, қазақстандық дипломаттармен кездесті.

Алдағы жылдарда Сыр өңірінде Қобыз күні атап өту жоспарланып отыр. Қызылорда облысының әкімі Қырымбек Көшербаев бұл ұсыныстың Үкіметке жолданғанын айтты.

Әр адамның әуестенетін ісі бар. Мұны «хобби» деп жатамыз. Тарих беттерін парақтасақ, І Петр ұсталықпен айналысқан деген дерек бар. Коллекция жинаудан АҚШ-тың саяси лидері Франклин Рузвельт алдына жан салмапты. Ел әйгілі Лев Толстойдың тың туындыларымен таныс болғанымен, етікшілігі жайлы біле бермейді. Ал Леонардо да Винчи атақты суретші ғана емес, керемет аспаз болған көрінеді. Елімізде де әдемі әуестігімен ерекшеленген тұлғалар жетерлік. Мәселен, Дінмұхамед Қонаев оттық жинағанды ұнатқан. Қазір көрнекті қоғам қайраткерінің 3000-нан астам оттығы Алматыдағы мұражайында сақтаулы. Ал Әзiлхан Нұршайықовтың қолтаңба жиюды әдетке айналдырғаны көпке мәлім. Айта берсек, хоббидің сан алуан түрі бар. Оған қоса психолог мамандар жанға жайлылық сыйлайтын әуестік күйзеліс пен көңілсіздіктен арылуға көмектесетінін дәлелдеген. Қазір оны тиімді кәсіп көзіне айналдыруға да мүмкіндік бар. Кезекті кейіпкеріміз осы сөздің дәлелі.

Кеше Жалағаш ауданындағы Оқушылар үйінде балалар технопаркі ашылды. «3D модельдеу», «Цифрлық білім беру бағдарламалары», «Робототехника» үйірмесінде қазіргі заман талабына сай жабдықталған құрылғылар балалар игілігіне пайдалануға берілді.

  Облыс көлемінде  эпизоотиялық ахуал тұрақты. Бұл жөнінде өңірлік коммуникация­лар қызметінде өткен интернет-конференцияда облыстық ветеринария басқармасының басшысы Ерсұлтан Әпетов мәлім етті.

Өңірлік коммуникациялар қызметінде өткен кезекті баспасөз конференциясында жемқорлықпен күрес және заңның үстемдігінен туындайтын мақсат-міндеттер талқыланды. Жиын барысында ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Қызылорда облысы бойынша департаменті басшысы Абзал Мұхимов Елбасының дәстүрлі Жолдауында азаматтар сұранысына бейімделген мемлекеттік аппаратқа баса назар аударылғанын айта келе, мемлекеттік орган қызметінің тиімділігін түбегейлі арттыру мәселесіне тоқталды. 

 

 Қазақстан Республикасы­ның «Сыбайлас жемқор­лыққа қарсы іс-қимыл туралы»  Заңының бас­ты мақсаты – азаматтардың құқықтарын  қорғау, жемқорлыққа байланысты құқық бұзушылықтардың алдын алу, олардың жолын кесу  болып табылады.