Сыр бойы

 

Қала орталығында аспаздыққа баулитын «Шеф» студиясы ашылды. Ерекше бизнес түрін қолға алған Іңкәр Әбдірайымованың бұл орталығы тұрғындар назарын аударып үлгерген. Мұнда келушілер шеф-аспаздың сүйемелдеуімен тамақ әзірлеудің құпиясына қанығып, бар қиялын іске асыруға, бойдағы қабілетін көрсетуге мүмкіндік алады. 

Аудан әкімі Ғанибек Қазантаев есепті кездесуде ауданның тыныс-тіршілігімен бөлісіп, нақты атқарылып жатқан шараларды баяндады.

Елбасы биылғы Жолдауында «Білім беру бағдарламаларының негізгі басымдығы өзгерістерге үнемі бейім болу және жаңа білімді меңгеру қабілетін дамыту болуға тиіс» деген талап қойды. Сондай-ақ, талап деңгейіне сай қазақстандықтардың болашағы – қазақ, орыс және ағылшын тілдерін еркін меңгеруінде деп атап көрсетті.

Елбасының «Төртінші өнеркәсіптік революция жағдайындағы дамудың жаңа мүмкіндіктері» атты Жолдауындағы «Адами капитал – жаңғыру негізі» жетінші тармағын басшылыққа ала отырып, облыстық тарихи-өлкетану музейінде «Жас өлкетанушы» атты музейлік жобасы ұйымдастырылуда.

Дәрігерлік  –  жоғары жауапкершілік пен терең білімді, үздіксіз ізденісті талап ететін күрделі мамандық екені баршаға белгілі. Себебі, олар адам өмірі үшін күреседі. Сондықтан да оларды халық «адам жанының арашашысы» деп атап, қашанда құрметпен қарайды. Әрине, мұндай атаққа ие болып, абырой биігінен көріну оңай емес. Ол үшін жоғарыда айтып өткеніміздей, мамандыққа деген сүйіспеншілік пен жауапкершілік болуы керек. Олай болмаған жағдайда бәрі басқаша.

Қазақтың ХХ ғасырдың маңдайалды ағартушысы Ахмет Байтұрсынұлы «Мектептің жаны – мұғалім. Мұғалім қандай болса, мектебі сондай болмақшы, яғни, мұғалім білімді болса, білгенін басқаға үйрете білетін болса, ол мектептен балалар көбірек білім алып шықпақшы. Солай болған соң, ең әуелі, мектепке керегі білімді, методикадан хабардар, оқыта білетін мұғалім» депті. Ұлт ұстазының бұл пікірі уақыт өткен сайын айқындала түскені байқалады.

Бүгінде негізі қаланғанына 200 жыл толған Қызылорда күн санап құлпырып келеді. Қала көшелері кеңейген, жарықтандырылған, сымбатына сымбат қосқан.  Ұлттық нақышпен әдіптелген оюлар, тіпті, ғажап. Әсіресе, әр жерге қойылған бағзы замандардың бейнесін беретін ескерткіштер өткен күндерден сыр шертіп тұрғандай әсер қалдырады.

Сыр өңіріне жұмыс сапары кезінде ҚР ІІМ Төтенше жағдайлар комитеті төрағасының орынбасары, полковник Талғат Нұрмағамбетов облыстық төтенше жағдайлар департаментіндегі жедел кеңеске жетекшілік етті. Оған облыс әкімінің орынбасары Серік Сүлейменов, облыстық жұмылдыру дайындығы басқармасының басшысы Серік Сермағамбетов, департамент бастығы, азаматтық қорғау полковнигі Омар Бержанов, департамент пен оған қарасты мекеме, бөлімшелердің басшы құрамы қатысты. 

ҚЫЗЫЛОРДА ҚАЛАСЫ. Облыс орталығына қарасты кент және ауылдық округ әкімдерінің есеп беруі бас¬талды. Алғаш болып Белкөл кентінің әкімі Асхат Ибрагим кент тұрғындары алдында есеп берді. Есепті кездесуге қала әкімі Нұрлыбек Нәлібаев қатысты.Өткен жылы Белкөлде бірқатар ауқымды істер жүзеге асты. Соның бірі – газ құбырын тарту жұмыстары. Жылдар бойы өзекті болған бұл мәселе оң шешімін тапты. Кент тұрғындары көптен күткен “көгілдір  отынға” қол жеткізді. Бұл мақсатта облыстық бюджеттен 378 млн теңге қаржы бөлініп, 630 тұрғын үй газға қосылды.