Сыр бойы

Сыр өңіріне жұмыс сапары кезінде ҚР ІІМ Төтенше жағдайлар комитеті төрағасының орынбасары, полковник Талғат Нұрмағамбетов облыстық төтенше жағдайлар департаментіндегі жедел кеңеске жетекшілік етті. Оған облыс әкімінің орынбасары Серік Сүлейменов, облыстық жұмылдыру дайындығы басқармасының басшысы Серік Сермағамбетов, департамент бастығы, азаматтық қорғау полковнигі Омар Бержанов, департамент пен оған қарасты мекеме, бөлімшелердің басшы құрамы қатысты. 

Департамент бастығының орынбасары, азаматтық қор­ғау полковнигі Асқар Төлешев баяндағандай, былтыр оқыс оқиға көбейсе де, одан зардап шеккендер саны 3,4%-ке азайған. Ал қаза тапқандар саны 37,3%-ке кеміді. Айтып келмейтін апаттардан 37 адам көз жұмса, соның 8-і – бала. Материалдық шығын көлемі 34,7 млн теңге немесе салыс­тырмалы түрде 6,9%-ке төмен. Өрт оқиғалары 7 адамның өмірін жалмаса, 12 адамның денсаулығына зиян тигізді. 26 адам суға кеткен. Өткен жылы су айдындарында азаматтардың қауіпсіздігін қамтамасыз ету бағытында кешенді шаралар қабылданды. Одан бөлек, басшылық құрам өкілдері атқарылған жұмыстар жөнін­де айтып, алдағы міндеттерді нақтылады.

Комитет төрағасының орын­­басары Т.Нұрмағамбетов  ­Президент Жолдауынан туын­дайтын міндеттерге тоқ­та­­лып, оларды орын­даудағы қыз­­меткерлердің жауап­кер­­­шілігін атап көрсетті. Сондай-ақ, ұжымға әскери тәр­тіпті сақтауды, сыбайлас жемқорлықпен күресті күшейтуді, халықтың азамат­тық қорғау органдарына сенімін жоғарылатуды жүк­теді.

Н.ҚАЗЫБАЙҚЫЗЫ.

«Сыр бойы».