Сыр бойы

«Социум-Қызылорда» қоғамдық қоры Қызылорда қаласында орнатылатын Батырхан Шүкеновтің ескерткіш-белгісінің ең үздік эскиздік жобаларына ашық конкурс жариялайды, - деп хабарлады облыс әкімімдігінің баспасөз қызметінен. 

Жаңақорғандық Өркен Құрбанов гипс және бетон өнімдерінен тұрғын үйге қажетті құрылыс заттарын шығарады, - деп жазады "Кызылорда ньюс" сайты. 

«Нұр Отан» партиясы Қызылорда облыстық филиалында тұрғындарды жұмыспен қамту мәселесі жөнінде қабылдау өтті. Қабылдау барысында бос жұмыс орындары қажетті мамандармен толықтырылып, тұрғындарға жұмыспен қамту бағыттары бойынша түсініктемелер берілді, - деп хабарлады филиалдың баспасөз қызметінен.

Елбасының тапсырмасына сәйкес "Сырдария өзенінің арнасын реттеу және Арал теңізін солтүстік бөлігін сақтау" (САРАТС) жобасының іске асырылуы нәтижесінде Арал ауданыдағы балық шаруашылығы қарқынды дамып келеді. Мәселен, осыдан он бес жыл бұрын небәрі 400 тонна балық ауланса, қазір оның көлемі 7106 тоннаға жетті. Бұл туралы аудандық баспасөз қызметіне сілтеме жасап Қазақпарат хабарлады.

Биылдыққа облыста 342 өрт оқиғасы тіркеліп, соның кесірінен 25 млн. теңгеден астам материалдық шығын келді. 

Қамыстыбас балық питомнигі 8,4 млн. дана тұқының биылғы шабақтары мен балықтардың өсімдік қоректі түрлерін (дөңмаңдай, ақ амур) өсіріп, Кіші Арал теңізінің Шағалалы шығанағы мен Қамыстыбас өзеніне жіберді, - деп жазады ҚР АШМ сайты.