Сыр бойы

Қызылорда облысы әкімдігінде САРАТС  жобасының екінші кезеңін жүзеге асырудың алғышарттары талқыланды. Оған  ҚР Қоршаған орта және су ресурстары вице-министрі Ерлан Нысанбаев, Қызылорда облысының әкімі Қырымбек Көшербаев, Дүниежүзілік банкінің Орталық Азия бойынша өңірлік директоры Сародж Кумар Джа және Халықаралық қаржы корпорациясының Орталық Азия елдері бойынша өңірлік менеджері Моазам Ахмед Меканмен «Қазақстандық мемлекеттік-жеке серіктестік орталығы» АҚ басқарма төрағасы Азамат Ойнаровтың қатысты.

Қармақшы  ауданы  ішкі  істер  бөлімінің  қызметкерлерімен  жүргізілген  жедел-іздестіру  жұмыстарының  барысында 1972 жылы дүниеге келген Қармақшы  ауданының тұрғыны өзінің  тұрғылықты  мекен жайында  568  түп  сора  өсімдігін  егіп  қойған  жерінен  әшкереленді.

Қызылорда облысының тәртіп сақшылары қылмыспен күресте жақсы нәтижелерге қол жеткізіп, қылмыстың алдын алу шараларын жоспарлы жүргізуде. Алайда, соған қарамастан соңғы кезде облыста өзгенің меншігін алаяқтық жолмен иелену арқылы азаматтардың құқына қол сұғу деректері көбеюде. Көп жағдайда алаяқтар нарықтық экономика жағдайына бейімделіп, «жеңілдікпен ірі көлемде несие, кезектен тыс арзан бағамен мемлекеттік пәтер, жер алып беремін, тендерден ұтып беремін, жүргізуші куәлігін арзан алып беремін немесе жалақысы жоғары қызметке, жұмысқа тұрғызамын және т.б.» түрлі желеулермен тұрғындарды алдай, сенімдеріне кіре отырып,  қылмысқа барып жатады. Соның салдарынан облыс көлемінде күнделікті ішкі істер органдарында тіркелген қылмыстардың 60-70 пайызы алаяқтық қылмыстары болып келеді. Қызылорда облыстық ішкі істер департаменті баспасөз қызметінің мәліметіне сүйенсек, ағымдағы жылдың шілде айының 8 күнінде ғана облыс көлемінде 39 алаяқтық қылмыс тіркелуі осының айғағы бола алады.

Жалағаш аудандық соты талапкер «Қазақтелеком» АҚ-ның филиалы – Қызылорда облыстық телекоммуникациялар дирекциясының жауапкер К.-дан көрсетілген қызмет ақысын және сот шығындарын өндіру туралы азаматтық ісін қарады.

Қазалы ауданында кәсіпкерлер «Бизнестің жол картасы- 2020» бағдарламасына белсенділікпен қатысуда. Экономиканың шикізаттық емес секторларындағы өңірлік кәсіпкерліктің тұрақты және теңгерімді өсуін қамтамасыз ету, сонымен қатар бар жұмыс орындарын сақтау және тұрақты жұмыс істейтін жұмыс орындарын құруға бағытталған бағдарлама бойынша көптеген жұмыстар жүзеге асырылып келеді. 

Қармақшы ауданының орталығы – Жосалы кентінде көркейту-көгалдандыру бағытында көптеген жұмыстар атқарылып келеді.

Үстіміздегі жылдың 7 шілдесінде 14 сағат 45 минут шамасында Сырдария ауданы  Нағи Ильясов ауылы тұсында оқыс оқиға орын алды. Бұл жөнінде бізге облыстық төтенше жағдайлар департаментінің баспасөз қызметі мәлім етті. 

Бүгін, 9 шілдеде облыс әкімі Қырымбек Көшербаев Ресей Федерациясының Алматыдағы бас консулы Алексей Деминді қабылдады.