Сыр бойы

Қызылорда. Қалалық білім бөлімінің мәліметі бойынша биылғы жылы Қызылорда қаласында 1707 оқушы ұлттық бірыңғай тестіне қатысады деп жоспарлануда. Соның ішінде 30 мектептен 132 оқушы «Алтын белгіге», 22 мектептен 58 оқушы «Үздік аттестатқа» үміткерлер қатарында саналады.

Сырдария. Осы орайда халыққа қызмет көрсету орталығының аудандық бөлімінде мемлекеттік тілдерді дамыту жоспарына сәйкес «Қазақстанның болашағы – қазақ тілінде» атты дөңгелек үстел және Қазақстан Журналистер Одағының мүшесі, жергілікті ақын Мұхтар Сақтаповпен кездесу кеші өтті. 

Сырдария. «Тіректі ауылдарды дамыту» шеңберінде ауданға қарасты Ақжарма ауылында бірқатар жобаларды іске асыру межеленіп отыр. Басты мақсат ауылдың әлеуметтік-экономикалық дамуын тиімлі іске асыра отырып, кешенді дамыту болып табылады. 

Шиелі. Жыл басында Шиелі ауданының 2014 жылға арналған бюджеті 8 млрд. 718 млн. теңге көлемінде бекітілсе, есепті мерзімде бюджет 9 млрд. 380 млн. теңгеге нақтыланды. 

Қармақшы. Аудандағы Алдашбай ахун ауылында аудандық Жыраулар үйінің ұйымдастыруымен сол елде өсіп-өнген, сөз өнерінің шеберлері Бекен мен Махан жыраулардың ұрпақтарының демеушілігімен «Мақам-мәңгілік мәйегі» атты аудандық жас жыршылар байқауы, ауыл тумасы Райымбек Қиясов атындағы жүлде үшін түйе палуандар белдесуі, ат жарыстары өткізілді.

Ағымдағы жылдың 3 айында Қызылорда облысында 61 жол-көлік оқиғасы тіркелген. Салдарынан 8 адам қайтыс болып, 68 жарақат алған.  Жол көлік оқиғаларын азайту мақсатында жиі ұйымдастырылатын осындай іс-шаралардың нәтижесінде жол апаты өткен жылмен салыстырғанда 7,6 пайызға төмендегенін байқатқан.

Қазақта «қолы білген құм үстіне кеме жүргізер» деген даналы сөз бар. Жақсы айтылған, себебі, өмірде темірге тіл, жаңқаға жан бітіріп, барша жұртты тәнті етіп жүрген жандар жетерлік. Бірақ, ұшқыр ой мен кемел қиялды қиыстырып дүние шығаратындар қатары сирек.

Өткен сенбіде «Гранд Плаза» бизнес орталығында «Қызылорда облысындағы геология және барлау жұмыстарының келешектегі дамуы» тақырыбында семинар болып өтті. «Құмкөл көлік қызметі» серіктестігінің ұйытқы болуымен «Геологтар күні» мерекесіне орай өткізілген жиынға облыс әкімінің орынбасары Ғалым Әміреев қатысты.

Жеңіс күні жақындаған сайын тарих беттерін ақтара түсеміз. «Қазақстан Ұлы Отан соғысы жылдарында» атты 1964-1967 жылдары Алматыдағы баспадан шыққан екітомдықты қолға алдық. Екінші томның 181-ші бетін ашқанда таныс есім жарқ ете қалды. 

Көпшілікке белгілі, жыл басында күнделікті тұтынып жүрген газ бағасы қымбаттады. Бұл жайтты әркім әрқалай қабылдады. Сонда "көгілдір отын” бағасын көтерудің сыры неде? Осы орайда газет  тілшісі газды тұтынушыға негізгі жеткізіп беруші "ҚазТрансГазАймақ” акционерлік қоғамының басқарушы директоры Рустам Сулеймановты әңгімеге тартқан еді.