Сыр бойы

Мерейлі мереке қарсаңында Бесарық ауылдық округінде ауылдық әкімшілік пен «Бесарық» ауылдық өнер мектебі ұжымының ұйымдастыруымен «Әлемнің жарығын силадың сен маған» атты салтанатты кеш болып өтті.

Атқару комитетінің мәжілісі өтіп, ақпан айының жұмыстары қорытындыланды. Сондай-ақ, күн тәртібіндегі маңызды мәселелер қарастырылып, соған сәйкес шешімдер шығарылды.

Жаңақорған. Аудан орталығының шығыс жақ беткейінен жаңадан орын теуіп жатқан Саяжай, Ипподром, ескі МАИ бекеті, Алтыкрант аумақтарындағы инфрақұрылым мәселелерін шешуге мән беріліп отыр.

Қазалы. Биыл республикалық санаттағы ескерткіштерді қайта жаңғырту үшін 30 млн. теңге қаржы бөлініп отыр. Осы қаржыға Қазалы қаласында орналасқан Ғанибай үйі мен Ғ.Мұратбаевтың мемориалдық мұражайы қайта жаңғыртылатын болды.

Өлшестіре келсек, Сыр өңірінің шежіресі өзге аймақтардың ешқайсысынан артық болмаса, қораш емес. Оған Алаш тарихындағы алғашқы астана-шаһарлардың орны осында жатқаны айғақ. Демек, Сыр бойы – тарих толқынында өзіндік орны бар, сол тарихты жасаған киелі аруақтардың мекені.

«Азамат екен!» деп жатады кейде  біреудің жақсы ісіне сүйсініп, риза болған жандар. Азаматтық жасау, біреудің жоғын жоқтап, күйін күйттейтін жандар қатары уақыт өткен сайын азайып барады. Мына  қамшының сабындай қысқа ғұмырда адамдық-адалдық атты ізгі қасиетті өз дәрежесінде алып жүргенге не жетсін?! Кейде болмашыға пендешілікпен өкпелесіп, бет жыртысып жатамыз. Бір затымызды жоғалтсақ, қатты өкінеміз, ал адамгершілігіміз  бен ар-ұятымызға дақ түсірердей ісімізге көз жұма қараймыз. Неге?

Үстіміздегі жылдың 25-27 ақпаны аралығында облыстық салауатты өмір салтын қалыптастыру орталығының ұйымдастыруымен аймақтың жалпы білім беру мектептерінің сынып жетекшілері мен арнаулы орта оқу орындарының топ тәлімгерлері арасында «Үздік салауатты өмір салтын насихаттаушы - 2014» атты облыстық байқауы өтті. 

Бүгінде қамқорлыққа зәру жандардың   қамқоршысы болып, аялы алақанын, жүрек жылуын ұсыну, сауабы мол іске атсалысу әрбір адамның азаматтық парызы. Осыны мақсат еткен  Т.Ізтілеуов атындағы №29 қазақ орта мектебінде  әлеуметтік педагог Жанат Серікбаеваның ұйымдастыруымен  «Жылы жүрек, жылы тілек» атты қайырымдылық акциясы  болып өтті. 

Елімізде тұрғындар саулығын сақтау бағытында түрлі ауқымды жұмыстар атқарылып жатқаны белгілі. Елбасының жыл сайынғы қазақстандықтарға арнаған Жолдауында да халықтың денсаулығын қорғау мәселесіне айрықша мән беріліп, нақтылай тапсырмалар жүктелуде.  Халқымызды салауатты өмір салтын ұстануға, ауырып ем іздегенше, ауырмаудың жолын іздеуге үндейтін бұл міндеттер  әрдәйім өзінің өзектілігін жоймақ емес. Осы орайда газет тілшісі облыстық салауатты өмір салтын қалыптастыру орталығының директоры Қайрат Мырзахметовпен сұхбаттасқан еді.  

Жуырда "Нұр Отан” партиясының облыстық филиалында партия тәлімгерлерінің семинар кеңесі болып өтті. Онда партияның "Қазақстан. 2017 мақсаттары. Ұлттық іс-қимыл жоспары” сайлауалды тұғырнамасының орындалуы бойынша атқарылатын жұмыстар ортаға салынып, партия тәлімгерлерінің міндеттері айқындалды. Партия жанындағы тәлімгерлер институтының басқосуы осымен екінші мәрте өткізіліп отыр. Ендігі жерде халық қалаулылары өздеріне жүктелген жұмыстарынан бөлек, 12 бағыт бойынша оның ішінде білім және ғылым, ұлт денсаулығы, инновациялық экономика, жастарды қолдау, халықты жұмыспен қамту және халық табысы, шағын және орта бизнесті дамыту секілді іргелі істермен айналысатын болады. Басқосуға жиналған тәлімгерлерге "Нұр Отан” партиясы облыстық филиалы төрағасының орынбасары Абзал Мұхимов ең алдымен атқаруға тиіс негізгі міндеттерді таныстырды.